ചേര്ത്തല: തെരഞ്ഞെടുപ്പ് പോരാട്ടം ശക്തമായി, പ്രചരണത്തിരക്കില് എന്ഡിഎ സ്ഥാനാര്ഥികള് സമ്മതിദായകരുടെ അരികിലേക്ക്. അരൂരിലെ സ്ഥാനാര്ഥി ടി. അനിയപ്പന് തുറവൂരില് നടന്ന എന്ഡിഎ മാനേജ്മെന്റ് കമ്മിറ്റിയില് പങ്കെടുത്ത ശേഷമാണ് പ്രചരണം ആരംഭിച്ചത്.
അജിത്ത് അദ്ധ്യക്ഷത വഹിച്ച യോഗത്തില് എന്.വി. പ്രകാശന്, അജിമോന്, മണിലാല്, സാന്റപ്പന് എന്നിവര് സംസാരിച്ചു. തുടര്ന്ന് പാണാവള്ളി, തൈക്കാട്ടുശേരി പഞ്ചായത്തുകളിലെ വിവിധ ഭാഗങ്ങള് സന്ദര്ശിച്ചു. പൊതുപരിപാടികളിലും പങ്കെടുത്തു. പെരുമ്പളം ദ്വീപിലെ വീടുകളിലെത്തി വോട്ടഭ്യര്ഥിച്ചു. മണപ്പുറത്തെ മണലിഷ്ട ഫാക്ടറിയെ തൊഴിലാളികളോടൊപ്പവും സമയം ചെലവഴിച്ചു. ചേര്ത്തലയില് പി.എസ്. രാജീവിന്റെ പര്യടനം മാക്ഡവല് കമ്പനിയില് നിന്നുമാണ് തുടങ്ങിയത്.
കമ്പനിയിലെ തൊഴിലാളികളെ നേരില് കണ്ട്് വോട്ടഭ്യര്ത്ഥിച്ച അദ്ദേഹം തൊഴിലാളികളുടെ പരാതികള് കേള്ക്കാനും സമയം കണ്ടെത്തി. കുപ്പക്കാട് ക്ഷേത്ര സന്ദര്ശനത്തിന് ശേഷം വാരനാട്, ചെങ്ങണ്ട തുടങ്ങിയ പ്രദേശങ്ങളിലെ കയര്ഫാക്ടറികളിലും, ചെറുകിട കയര് വ്യവസായ കേന്ദ്രങ്ങളിലും സന്ദര്ശനം നടത്തി. പിന്നീട് ചാലിപ്പള്ളി, തണ്ണീര്മുക്കം തുടങ്ങിയ സ്ഥലങ്ങളില് ഗൃഹസമ്പര്ക്കം നടത്തി.
പ്രതികരിക്കാൻ ഇവിടെ എഴുതുക: