അടിമാലി: നിരോധിത ഹോണുകള് മുഴക്കി ചെകിടടപ്പിച്ച് കൂകിപ്പായുന്ന സ്വാകര്യ ബസ്സുകള് നിരത്തില് ജനങ്ങളുടെ സുരക്ഷയക്കും സ്വസ്ഥതയ്ക്കും ഭീഷണിയായിട്ടും അധികൃതര് കുറ്റകരമായ അനാസ്ഥ തുടരുകയാണ്. ജില്ലയിലാകെ പട്ടപ്പകല് നടക്കുന്ന നിയമലംഘനത്തിന് അറുതിവരുത്താന് പോലീസും മോട്ടോര് വാഹന വകുപ്പും നടപടി സ്വീകരിക്കുന്നില്ല.
ഉയര്ന്ന വിലയുള്ള മുന്തിയതരം നിരോധിത മ്യൂസിക് ഹോണുകളാണ് ചില സ്വകാര്യ ബസ്സുകളിലും ബഹുഭൂരിപക്ഷം ടൂറിസ്റ്റ് ബസ്സുകളിലും ഉപയോഗിക്കുന്നത്. അത്യാവശ്യമായും നവസരത്തിലും നീട്ടിപിടിച്ച് ഹോണടിച്ച് ജനങ്ങളുടെ മുമ്പില് സ്റ്റാറാകാനുളള യുവ ഡ്രൈവര്മാരുടെ മത്സരം കൊഴുക്കുകയാണ്. ഇതോടെ യാത്രക്കാരുടെയും പൊതുജനങ്ങളുടെയും ദുരിതം വര്ദ്ധിപ്പിക്കുന്നു. അപ്രതീക്ഷിതമായി അമിത വേഗത്തില് അലറിയെത്തുന്ന ബസ്സുകള് നാട്ടുകാരുടെ സൈ്വര്യജീവിതത്തിന് തടസ്സം സൃഷ്ടിക്കുകയാണ്. ഹോണ് നിരോധിത സ്ഥലങ്ങളായ ആശുപത്രി, വിദ്യാഭ്യാസ സ്ഥാപനങ്ങള് എന്നിവയ്ക്ക് മുന്നിലും ഹോണ് മുഴക്കുന്നുണ്ട്. ബൈക്കുകള് ഉള്പ്പെടെയുള്ള ഇരുചക്ര, ചെറുവാഹനങ്ങളുടെ പിന്നിലെത്തി ഹോണടിച്ച് ഭയപ്പെടുത്തി രസിക്കുന്ന ഫ്രീക്കന്മാര് നിരത്ത് കൈയ്യടക്കിയിട്ടും, ഇതിനെതിരെ നടപടിയെടുക്കേണ്ട മോട്ടോര് വാഹന വകുപ്പധികൃതരും പോലീസും ഹെല്മറ്റ് വേട്ടയും പെറ്റിക്കേസും ഭീഷണിയുമായി നിരത്തുകളില് സജീവമായുണ്ട്. സ്പീഡ് ഗവര്ണര് മാമാങ്കം നടത്തി വിവാദത്തിലെത്തുകയും അക്ഷരംപ്രതി നടപടി നടപ്പാക്കുകയുംചെയ്ത നിയമപാലകര് അലറിപ്പായുന്ന വാഹനങ്ങള്ക്കെതിരെ നടപടിയെടുക്കാത്തതില് ദുരൂഹത കണ്ടെത്തുന്ന ജനങ്ങളെ കുറ്റം പറയ
ാന് ആവില്ലല്ലോ. അമിത വേഗത തടയുന്നതിന് വേണ്ടി സ്പീഡ് ഗവര്ണര് നിയമവും സംവിധാനങ്ങളുമുണ്ടെങ്കിലും ഒന്നും നിരത്തിലിറങ്ങി നടപ്പാക്കാന് ഉദ്യോഗസ്ഥര് മടിക്കുന്നതിന് പിന്നില് അവിശുദ്ധ അവിഹിത ബന്ധത്തിനുപിന്നിലുള്ള സാമ്പത്തിക ശ്രോതസാണെന്ന് ആക്ഷേപമുണ്ട്. കൂടാതെ പെര്മിറ്റ് വാഹനങ്ങള് നിയമങ്ങള് കാറ്റില്പറത്തി പടിവാങ്ങി പെര്മിറ്റ് പുതുക്കികൊടുക്കുന്നതായി ആക്ഷേപമുണ്ട്. വാഹനങ്ങള് പെയിന്റടിച്ച് അറ്റകുറ്റ പണികള് ചെയ്ത് ഗതാഗതയോഗ്യമെന്ന് ബോധ്യപ്പെട്ട് പെര്മിറ്റ് പുതുക്കുന്നതിന് പകരം വാഹനം കാണുകപോലും ചെയ്യാതെ ഏജന്റുമാര് മുഖേന നിരവധി വാഹനങ്ങള്ക്ക് പടിവാങ്ങി പുതുക്കല് നടക്കുന്നതായി ശക്തമായ ആക്ഷേപം നിലനില്ക്കുന്നുണ്ട്.
