കോട്ടയം: നഗരമദ്ധ്യത്തിലെ നടുറോഡില്‍ മാലിന്യം കത്തിക്കുന്നത് പൊതുജന ആരോഗ്യത്തിന് ഭീഷണിയാകുന്നു. കോട്ടയം പഴയ ബോട്ടുജെട്ടിക്ക് സമീപം വഴിയരുകി ല്‍ കൂമിഞ്ഞുകൂടിയ മാലിന്യകൂമ്പാരത്തിന് തീയിട്ടതോടെ ഇതില്‍നിന്നും ഉയരുന്ന പുകയാണ് ജനങ്ങള്‍ക്ക് ഭീഷണിയാകുന്നത്. മാലിന്യത്തില്‍നിന്ന് ഉയരുന്ന പുക പടര്‍ന്ന് പന്തലിച്ചതോടെ ഇരചക്രവാഹന യാത്രികര്‍ അടക്കമുള്ള യാത്രികര്‍ക്ക് ബുദ്ധിമുട്ടുണ്ടാക്കുന്നുണ്ട്. വാഹനങ്ങളുടെ ഡ്രൈവറന്മാര്‍ക്ക് പരസ്പരം കാണാന്‍ കഴിയാത്തവിധം പുക ഉയര്‍ന്നതോടെ ഇവിടെ വാഹന അപകടങ്ങളും പതിവാണ്.
നഗരത്തിലെ വിവിധ സ്ഥാപനങ്ങളില്‍നിന്നും വീടുകളില്‍നിന്നും കൊണ്ടുവരുന്ന മാലിന്യങ്ങളാണ് ഇവിടെ നിക്ഷേപിക്കുന്നതില്‍ ഏറെയും. ചാക്കിലും പ്ലാസ്റ്റിക് കൂടുകളിലും നിറച്ച മാലിന്യങ്ങള്‍ ചീഞ്ഞഴുകി ദുര്‍ഗന്ധം വമിക്കുന്നുണ്ട്. പുഴുക്കള്‍ അരിച്ച മാലിന്യം വഴിയിലേക്ക് ചിതറി കിടക്കുന്നതിനാല്‍ കാല്‍നട യാത്രപോലും ഇതുവഴി കഴിയില്ലാത്ത സ്ഥിതിയാണ്. മത്സ്യങ്ങളുടെയും മാംസങ്ങളുടെയും അവശിഷ്ടങ്ങള്‍ അടങ്ങിയ മാലിന്യം ഭക്ഷിക്കാന്‍ ഇവിടെ എത്തുന്ന തെരുവുനായ്‌ക്കളുടെ എണ്ണം ഏറുകയാണ്. കൂട്ടമയെത്തുന്ന നായകളെ ഭയന്ന് പുലര്‍കാല സവാരിക്കാരായ നാട്ടുകാര്‍ വഴിമാറിയാണ് സഞ്ചരിക്കുന്നത്.—
നഗരത്തിലെ മാലിന്യ സംസ്‌കരണത്തിന് വേണ്ടത്ര സൗകര്യമില്ലാത്തതാണ് വഴിയരുകില്‍ മാലിന്യം കുമിഞ്ഞുകൂടാന്‍ ഇടയാക്കിയിട്ടുള്ളത്. നഗരസഭാ പരിധിയിലെ വീടുകളില്‍നിന്നും മാലിന്യശേഖരണം പൂര്‍ണ്ണമായും നിര്‍ത്തിവച്ചിരിക്കുകയാണ്.
ഉറവിട മാലിന്യ സംസ്‌ക്കരണത്തിന്റെ ഭാഗമായി വിവിധതരം സംസ്‌കാരണ പ്ലാന്റുകള്‍ വിതരണം ചെയ്യുന്ന പദ്ധതി ആരംഭിച്ചെങ്കിലും ഇത് പാതിവഴിയില്‍ മുടങ്ങിയിരിക്കുകയാണ്. മാലിന്യ നിക്ഷേപത്തിന് സൗകര്യം ഇല്ലാതായതോടെ ഒതുങ്ങിയ സ്ഥലങ്ങളില്‍ മാലിന്യം വലിച്ചെറിയുന്നത് പതിവായിട്ടുണ്ട്.
നഗരത്തില്‍ നിരവധി പ്രദേശങ്ങളില്‍ മാലിന്യം കുമിഞ്ഞുകൂടുന്നുണ്ട്. നഗരസഭയുടെ നേതൃത്വത്തിലുള്ള മാലിന്യ സംസ്‌കരണ പ്ലാന്റുകള്‍ ഒന്നുതന്നെ പ്രവര്‍ത്തിക്കാത്ത നിലയിലാണ്. പൊതുജനങ്ങ ള്‍ക്ക് ഭീഷണി ഉയര്‍ത്തുന്ന മാലിന്യ പ്രശ്‌നത്തിന് പരിഹാ രം കാണുന്നതിനായി നഗരസഭ അനാസ്ഥ വെടിഞ്ഞ് നിര്‍മ്മര്‍ജ്ജന പ്ലാന്റുകള്‍ പ്രവര്‍ത്തന സജ്ജമാക്കണം എന്നാണ് നാട്ടുകാരുടെ ആവശ്യം.
