തിരുവനന്തപുരം: രാജ്യത്തെ ശക്തിപ്പെടുത്തേണ്ടത് ഓരോ പൗരന്റേയും കടമയാണെന്ന് റിച്ചാര് ഹെ എംപി. അനന്തപുരി ഹിന്ദുമഹാ സമ്മേളനത്തിന്റെ സമാപനസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. രാജ്യം ശക്തിപ്പെടുമ്പോള് ഓരോ പൗരനും ശക്തിപ്പെടും. ജപ്പാന്റെ മാതൃക നമ്മള് കണ്ടു പഠിക്കണം. രണ്ടാം ലോക മഹായുദ്ധത്തില് തകര്ന്ന ജപ്പാന് ഫിനിക്സ് പക്ഷിയെപ്പോലെ ഉയര്ത്തെഴുന്നേല്ക്കുകയായിരുന്നു. രാജ്യം മുന്നേറണമെന്ന് അവിടത്തെ ജനങ്ങള് ഒന്നായി ചിന്തിച്ചതിന്റെ ഫലമാണ്. അതു പോലെയാകാന് ഭാരത്തിനും കഴിയണം. എന്നാല് സ്വതന്ത്ര്യത്തിനു ശേഷം ശരിയായ ദിശാബോധം കാണിച്ചുകൊടുക്കാന് ഭരണകര്ത്താക്കള്ക്ക് കഴിയാത്തതാണ് ഇന്നത്തെ അരിക്ഷിതാവസ്ഥക്ക് കാരണം.
അനന്തപുരം ഹിന്ദു മഹാസമ്മേളനത്തില് എം.പി റിച്ചാര്ഡ് ഹേ സംസാരിക്കുന്നു. വിചാരകേന്ദ്രം ഡയറക്ടര് പരമേശ്വര്ജി, ജന്മഭൂമി എം.ഡി എം. രാധാകൃഷ്ണന് തുടങ്ങിയവര് വേദിയില്
പട്ടിണികിടക്കുന്ന ആഫ്രിക്കന് രാജ്യങ്ങള് പോലും അവരുടെ രാജ്യത്തെ സ്വന്തം അമ്മയെപ്പോലെ സ്നേഹിക്കുന്നു. നമ്മുടെ രാജ്യത്തിന്റെ സ്ഥിതി ദയനീയമാണ്. വിദ്യാര്ത്ഥി സമൂഹമാണ് രാജ്യത്തെ നന്മയിലേക്ക് നയിക്കാന് ദിശാബോധം കാണിച്ചുകൊടുക്കേണ്ടത്. അവര്ക്ക് സ്വന്തം കാലില് നില്ക്കാനും കഴിയണം. എന്നാല് അവരുടെ ദിശതെറ്റിക്കാന് ഒരു വിഭാഗം ആസൂത്രിതമായി പ്രവര്ത്തിക്കുകയാണെന്നും റിച്ചാര്ഡ് ഹെ പറഞ്ഞു.
