തിരുവനന്തപുരം: കരിക്കകം ശ്രീചാമുണ്ഡി ക്ഷേത്രത്തിലെ ഉത്സവത്തില് ഇന്ന് പുറത്തെഴുന്നേള്ളത്ത്. ഉത്സവദിന പ്രത്യേക പൂജകള്ക്കു ശേഷം ക്ഷേത്രസന്നിധിയില്നിന്ന് ക്ഷേത്രം വക പുതിയ റോഡിലൂടെ ഇലങ്കം വയലില് റോഡുവഴി കൊല്ലപ്പെടുവഴി എത്തി തിരികെ വന്ന് പുതിയ റോഡുവഴി ഗുരുനഗറില് എത്തിച്ചേരും. തിരികെ ഇലങ്കം കാവിന്റെ സമീപത്തുള്ള റോഡില്ക്കൂടി കൊല്ലം വിളാകം റോഡില് എത്തി തിരികെ ചാരും മൂട് റോഡുവഴി ശ്രീരാഗം റോഡിലൂടെ പമ്പ്ഹൗസ് വഴി റെയില്വേ ലൈനിന് സമീപത്തുകൂടി ഗുഡ്സ് യാര്ഡ് കോളനിയില് എത്തുന്നു. അവിടെനിന്നുതിരിച്ച് കൊച്ചുവേളി ചാരുംമൂട് റോഡുവഴി വേള്ഡ് മാര്ക്കറ്റ് ജംഗ്ഷനില് എത്തി തിരിച്ച് ഹൈവേ റോഡുവഴി ലോര്ഡ്സ് ആശുപത്രി റോഡുവഴി അരശും മൂട് ജംഗ്ഷനില് എത്തുന്നു. അവിടെ നിന്ന് ആനയറ വലിയ ഉദേശ്വരംക്ഷേത്രം, ഊളന്കുഴി, വെണ്പാലവട്ടം വഴി ബൈപ്പാസില് എത്തുന്നു. തിരിച്ച് ക്ഷേത്രംവക കാട്ടിലെ വീട് തെക്കതിന് മുന്വശത്തുള്ള പഴയ റോഡുവഴി ദേവീ ക്ഷേത്രസന്നിധിയില് എത്തുന്നു. തുടര്ന്ന് ദീപാരാധന
വേദി ഒന്നിലും രണ്ടിലും കലാ പരിപാടികള് അവതരിപ്പിക്കും. വേദി ഒന്നില്: രാവിലെ 5 ന് ഭജന, 6.30 ന് ഭക്തിഗാനാഞ്ജലി. 11ന് ഭക്തിഗാനസുധ ഉച്ചയ്ക്ക് ഒന്നിന് പ്രഭാഷണം. വൈകുന്നേരം 4.30 മുതല് 9.30 വരെ നൃത്തസന്ധ്യ. വേദി രണ്ടില്: വൈകുന്നേരം 4.00 ന് ലയിവന്യാസം, 6ന് ശാസ്ത്രീയ നൃത്തനൃത്ത്യങ്ങള്. 6.45 ന് ഭക്തിഗാനമേള, രാത്രി 10.00 ന് നടന് വിനീത് ശ്രീനിവാസന് നയിക്കുന്ന ഗാനമേള.
കരിക്കകം ക്ഷേത്രത്തില് ദീപാരാധന തൊഴാനെത്തിയവരുടെ തിരക്ക്
കരിക്കകം ചാമുണ്ഡീ ക്ഷേത്രത്തിലെ ഉത്സവദിവസമായ ഇന്നലെ വന്ഭക്തജനത്തിരക്ക്. പുലര്ച്ചെയുള്ള നിര്മ്മാല്യദര്ശനത്തോടെ ക്ഷേത്രത്തിനുള്ളില് അനുഭവപ്പെട്ട തിരക്ക് ഉച്ചകഴിഞ്ഞു തുടര്ന്നു. ക്ഷേത്ര വാളന്റിയേഴ്സിന് പുറമെ പോലീസ് സേനാംഗങ്ങളും തിരക്ക് നിയന്ത്രിക്കാന് രംഗത്തുണ്ടായിരുന്നു.
ക്ഷേത്രത്തില് നടത്തിവരുന്ന അന്നദാനത്തിലും വന് തിരക്കാണ് ഇന്നലെ അനുഭവപ്പെട്ടത്. രാവിലെ 10ന് തുടങ്ങിയ അന്നദാനം ഉച്ചകഴിഞ്ഞ് 3 വരെ നീണ്ട ആയിരക്കണക്കിന് പേര് അന്നദാനത്തില് പങ്കെടുത്തു.
