വാഷിംഗ്ടണ്: ഭീകര സംഘടനയായ ഐസിസിന്റെ മുതിര്ന്ന നേതാവ് ‘ഒമര് ദ ചെഛന്’ എന്ന് അറിയപ്പെടുന്ന ഒമര്അല്ഷിസ്ഹാനി കൊല്ലപ്പെട്ടതായി പെന്റഗണ്.
വടക്ക് കിഴക്കന് സിറിയയില് യു.എസ് സഖ്യം നടത്തിയ വ്യോമാക്രമണത്തില് ഷിസ്ഹാനി ഗുരുതരമായി പരിക്കേറ്റ് അതീവ ഗുരുതരാവസ്ഥയില് കഴിയുകയാണെന്നും റിപ്പോര്ട്ടുകള് വന്ന സാഹചര്യത്തിലാണു പെന്റഗണ് മരണവാര്ത്ത സ്ഥിരീകരിച്ചത്.
ഷിസ്ഹാനിയെ കൂടാതെ 13 ഭീകരരും കൊല്ലപ്പെട്ടിടുണ്ട്. മുന് സോവ്യറ്റ്യൂണിയനിലെ ജോര്ജിയയില് ജനിച്ച ഷിസ്ഹാനിയുടെ തലയ്ക്ക് അമേരിക്ക അരക്കോടി ഡോളര് വിലയിട്ടിരുന്നു. ഐഎസിന്റെ സ്വയം പ്രഖ്യാപിത ഖലീഫ അല് ബാഗ്ദാദിയുടെ യുദ്ധകാര്യ ഉപദേഷ്ടാവായിരുന്നു ഷിസ്ഹാനി.
