അബുദാബി: സൗദി അറേബ്യയ്ക്കൊപ്പം യെമന് വിമതര്ക്കെതിരായ യുദ്ധത്തില് പങ്കെടുത്ത യുഎഇ വിമാനം കാണാതായി. ഒറ്റവരി പ്രസ്താവനയിലൂടെയാണ് ഇക്കാര്യം യുഎഇ അറിയിച്ചത്. അറബ് സഖ്യത്തിലെ നിര്ണായകമായ അംഗമാണ് യുഎഇ.
2015 മാര്ച്ച് മുതലാണ് യമനില് പ്രസിഡന്റ് അബ്ദുറബ്ബ് മന്സൂര് ഹാദിയെ പിന്തുണച്ച് സൗദിയുടെ നേതൃത്വത്തിലുള്ള സഖ്യസേന ഹൂത്തികള്ക്കെതിരെ ആക്രമണം തുടങ്ങിയത്. ഇതാദ്യമായാണ് യു.എ.ഇയുടെ ഒരു വിമാനം കാണാതായതായ വിവരം പുറത്തുവരുന്നത്. ഡിസംബറില് ബഹ്റൈന്റെ എഫ്-16 യുദ്ധവിമാനം യന്ത്രത്തകരാറിനെത്തുടര്ന്ന് സൗയില് തകര്ന്നുവീണിരുന്നു.
മേയ് മാസത്തില് മൊറോക്കന് സേനയുടെ യുദ്ധവിമാനവും തകര്ന്നുവീണിരുന്നു. സാങ്കേതിക തകരാറുകള് മൂലമാണ് വിമാനം തകര്ന്നതെന്നായിരുന്നു അന്ന് അധികൃതര് നല്കിയ വിശദീകരണം. പൈലറ്റ് മരണപ്പെടുകയും ചെയ്തിരുന്നു. എന്നാല് വിമാനം തങ്ങള് വെടിവച്ചിട്ടതാണെന്ന് അവകാശപ്പെട്ട് ഹൂത്തി വിമതര് രംഗത്തെത്തുകയും ചെയ്തു.
യെമന് വിമതര്ക്കെതിരായ ആക്രമണത്തില് യുഎഇയ്ക്കും സൗദി അറേബ്യയ്ക്കും ഒട്ടേറെ സൈനികരെ നഷ്ടമായി. പക്ഷേ യുദ്ധത്തില് നിന്ന് പിന്മാറാന് രാജ്യങ്ങള് തയ്യാറായിട്ടില്ല.
