നെയ്യാറ്റിന്കര: വരുന്ന നിയമസഭാതെരഞ്ഞെടുപ്പില് നെയ്യാറ്റിന്കര നിയോജകമണ്ഡലം ഭരണം പിടിച്ചെടുക്കാന് മുന്നണികള് പടയൊരുക്കം തുടങ്ങി. കാരോട്, ചെങ്കല്, കുളത്തൂര്, തിരുപുറം, അതിയനൂര് എന്നീ അഞ്ച് പഞ്ചായത്തുകളും 44 വര്ഡുകളുമുള്ള ഒരു മുന്സിപാലിറ്റിയും ഉള്പ്പെടുന്നതുമാണ് നെയ്യാറ്റിന്കര നിയോജകമണ്ഡലം. മണ്ഡലങ്ങള് പുനര് വിഭജിച്ച ശേഷമാണ് പാറശാല മണ്ഡലത്തിലുണ്ടായിരുന്ന കാരോട്, ചെങ്കല്, കുളത്തൂര്, തിരുപുറം എന്നീ പഞ്ചായത്തുകള് നെയ്യാറ്റിന്കരയില് കൂടി ഉള്പ്പെടുത്തിയിരുന്നു. നാടാര് ഭൂരിപക്ഷമുള്ള പഞ്ചായത്തുകളെ നെയ്യാറ്റികരയില് ഉള്പ്പെടുത്തിയത് 2009ല് ഭരണത്തിലുണ്ടായിരുന്ന ഇടതുപക്ഷത്തിന്റ തെരഞ്ഞെടുപ്പ് തന്ത്രമായാണ് ഇതിനെ രാഷ്ട്രീയ നിരീക്ഷകര് വിലയിരുത്തുന്നത്. ഉപതെരഞ്ഞെടുപ്പ് ഉള്പ്പെടെ മൂന്നാമത്തെ നിയമസഭാ തെരഞ്ഞെടുപ്പാണ് മണ്ഡലം പുനര്നിര്ണയത്തിന് ശേഷം നടക്കാന് പോകുന്നത്. 90767 സ്ത്രീ വോട്ടര്മാരും 84758 പുരുഷവോട്ടര്മാരുള്പ്പെടെ ആകെ 175525 വോട്ടര്മാരാണ് പുതിയ പട്ടിക പ്രകാരം നിലവിലുള്ളത്.
യുഡിഎഫ് സിറ്റിംഗ് എംഎല്എ സെല്വ്വരാജിനെ പരീക്ഷിക്കാന് തിരുമാനിച്ചതോടെ സ്ഥാനാര്ത്ഥികള്ക്കായുള്ള പരക്കം പാച്ചിലിലാണ് എല്ഡിഎഫ്. ഹരീന്ദ്രന്, ആന്സിലന് എന്നിവരാണ് സിപിഎമ്മിന്റെ സ്ഥാനാര്ത്ഥി പട്ടികയിലുള്ളത്. എന്നാല് ഇകഴിഞ്ഞ തദ്ദേശതെരഞ്ഞെടുപ്പിലെ സ്ഥാനാര്ത്ഥി നിര്ണയം മുതലുള്ള ഗ്രൂപ്പുകളികളും സിപിഎം കോണ്ഗ്രസ്സ് കക്ഷികളില് ഇന്നും തുടരുകയാണ്. കഴിഞ്ഞ ഉപതെരഞ്ഞെടുപ്പില് ബിജെപിയ്ക്ക് നാലിരട്ടി വോട്ടുലഭിച്ചതും തദ്ദേശതെരഞ്ഞെടുപ്പില് നഗരസഭയില് 5 സീറ്റും, മറ്റ് അഞ്ച് പഞ്ചായത്തുകളില് ബിജെപി അക്കൗണ്ടു തുറന്ന് വലിയ നേട്ടം കൈവരിച്ചതിലും ഇരു മുന്നണികളേയും ഇരുത്തി ചിന്തിപ്പിക്കുകയാണ്. മാറി മാറി ഭരിച്ചിട്ടും മണ്ഡലത്തിലെ സാധാരണക്കാരായ ജനങ്ങളുടെ ആവശ്യങ്ങള് നിറവേറ്റാന് എല്ഡിഎഫിനോ യുഡിഎഫിനോ സാധിച്ചിട്ടില്ല. നെയ്യറ്റിന്കരയിലെ ജനങ്ങളുടെ കുടിവെള്ളം പരിഹരിയ്ക്കാനോ, മാലിന്യസംസ്കരണപ്ലാന്റ്, റോഡുകളുടെ ശോചനീയവസ്ഥ, എളവിനികരയെ ട്യൂറിസ്റ്റ കേന്ദ്രമാക്കാനുള്ള നടപടി, ആധുനിക രീതിയിലുള്ള പൊതുസ്മശാനം തുടങ്ങിയ നിരവധി പദ്ധതികള് ഇന്നും നടപ്പിലാക്കാതെ ഇരുമുന്നണികളും പവപ്പെട്ട ജനങ്ങളെ വര്ഷങ്ങളായി കബിളിപ്പിയ്ക്കുകയാണ്. നെയ്യാറ്റിന്കര പിടിച്ചെടുക്കുവാന് ഇടതു വലതു മുന്നണികള് ഗ്രൂപ്പുകളിയില് തമ്മില് തല്ല് തുടരുമ്പോള് മണ്ഡലത്തില് നടപ്പിലാക്കേണ്ട വികസനങ്ങള് വോട്ടര്മാരെ നേരില്കണ്ട് നിശബ്ദ പ്രചരണത്തിലാണ് ബിജെപി ക്യാമ്പ്.
