കൊല്ലാട്: മലമേല്‍ക്കാവ് വനദുര്‍ഗാ ഭഗവതിക്ഷേത്രത്തിലെ മീനപ്പൂര ഉത്സവവും ദേവീഭാഗവത നവാഹയജ്ഞവും ഇന്ന് മുതല്‍ 22വരെ നടക്കും. വൈകിട്ട് 5ന് ദേവീഭാഗവത നവാഹയജ്ഞത്തിന് തന്ത്രി കുരുപ്പക്കാട്ട് പുരുഷോത്തമന്‍ നമ്പൂതിരി ഭദ്രദീപം തെളിയിക്കും. തുടര്‍ന്നു വൈകിട്ട് 7മുതല്‍ സപ്താഹയജ്ഞം.
ആറാം ദിവസമായ 18ന് ഉച്ചയ്‌ക്കു ഒന്നിനു പാര്‍വതി സ്വയംവരം. 20ന് വൈകിട്ട് 5.30ന് കുമാരീപൂജ. 21ന് ഹരീന്ദ്രകലശാര്‍ച്ചനയോടെ ദേവീഭാഗവത പാരായണം സമാപിക്കും.
പൂര മഹോത്സവത്തിന്റെ ഭാഗമായി 15ന് വൈകിട്ട് നാലരയ്‌ക്കു തന്ത്രി കുരുപ്പക്കാട്ട് പുരുഷോത്തമന്‍ നമ്പൂതിരിയുടെ മുഖ്യകാര്‍മികത്വത്തില്‍ കൊടിയേറ്റ് നടക്കും. തുടര്‍ന്നു കൊടിക്കീഴില്‍ വിളക്ക്, ആദ്യ പറനിറ സമര്‍പ്പണം. 16മുതല്‍ 21വരെ എല്ലാ ദിവസവും രാവിലെ 7ന് ആറാട്ട് എഴുന്നള്ളത്ത്. 17ന് രാവിലെ 9ന് ക്ഷേത്രത്തില്‍ പൊങ്കാല. 18നും 19നും രാവിലെ 9ന് കലശാഭിഷേകം, 20നും 21നും രാവിലെ 9.30 മുതല്‍ ഉത്സവബലി. 21ന് രാത്രി 11.30മുതല്‍ പള്ളിവേട്ട എഴുന്നള്ളിപ്പ്. 22ന് വൈകിട്ട് 6.30ന് ക്ഷേത്രത്തില്‍ നിന്നും ആറാട്ട് എഴുന്നള്ളിപ്പ്. രാത്രി 11.30ന് ആറാട്ട് സ്വീകരണം.
