കട്ടപ്പന: സ്വകാര്യ പണമിടപാട് സ്ഥാപനം ഉടമയുമായി ചേര്ന്ന് യുവാവിന്റെ പേരിലുണ്ടായിരുന്ന വാഹനം രേഖകളില് തിരിമറി നടത്തി തട്ടിയെടുത്ത സംഭവത്തില് എസ്.ഐക്കെതിരെ കേസെടുത്തു. കട്ടപ്പന സ്റ്റേഷനിലെ എസ്.ഐ സദാനന്ദനെതിരെയാണ് കട്ടപ്പന ഡിവൈ.എസ്.പി കേസെടുത്തിരിക്കുന്നത്. ഇയാള് മറ്റൊരു കേസില് സസ്പെന്ഷനിലിരിക്കെയാണ് പുതിയ കേസ്. സംഭവത്തെക്കുറിച്ച് കട്ടപ്പന ഡിവൈ.എസ്.പി പറയുന്നതിങ്ങനെ: ഇടുക്കി ഗോള്ഡ് എന്ന പണമിടപാട് സ്ഥാപനത്തില് മുക്കുപണ്ടം പണയം വച്ച് ബിജിത്ത് എന്ന യുവാവ് പല തവണ പണം തട്ടിയെടുത്തു. തട്ടിപ്പ് സ്ഥാപനം ഉടമയ ജയകുമാര് കണ്ടെത്തി പോലീസില് പരാതി നല്കി. ബിജിത്തിനെ അറസ്റ്റ് ചെയ്യുകയും ചെയ്തു. ബിജിത്ത് ജയില് മോചിതനായപ്പോള് സ്വന്തം പേരിലുണ്ടായിരുന്ന ഇന്നോവ കാറും ബൈക്കും രേഖകളില് തിരിമറി നടത്തി ജയകുമാറിന്റെ പേരിലാക്കി. ഇതിന് എല്ലാ ഒത്താശയും ചെയ്തുകൊടുത്തത് എസ്.ഐ സദാനന്ദനായിരുന്നെന്നാണ് പോലീസ് കണ്ടെത്തല്. ഇതേത്തുടര്ന്നാണ് എസ്ഐക്കെതിരെ കേസെടുത്തിരിക്കുന്നത്. കട്ടപ്പന സി.ഐക്കാണ് അന്വേഷണ ചുമതല നല്കിയിരിക്കുന്നത്.
സ്വകാര്യപണമിടപാട് സ്ഥാപന ഉടമയുമായി ചേര്ന്ന് തട്ടിപ്പ്; എസ്.ഐക്കെതിരെ കേസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.