തൊടുപുഴ: മങ്ങാട്ടുകവലയില് ഓടിക്കൊണ്ടിരുന്ന ബസില് ചാടിക്കയറി ബിഎംഎസ് പ്രവര്ത്തകരായ ബസ് ജീവനക്കരെആക്രമിച്ച സംഭവത്തില് പ്രതികളെ അറസ്റ്റ് ചെയ്യാതെ പോലീസ്. ഇലക്ഷന് കാലമായതോടെ രാഷ്ടട്രിയ സമ്മര്ദമാണ് അറസ്റ്റ് വൈകുന്നതിനു കാരണമെന്നും സൂചനയുണ്ട്. എന്നാല് വ്യക്തമായ തെളിവില്ലാത്തതാണ് അറസ്റ്റ് ചെയ്യാത്തതിനു പിന്നിലെന്നാണ് പോലീസ് പറയുന്നത്. വണ്ണപ്പുറം-ഈരാറ്റുപേട്ട റൂട്ടില് സര്വ്വീസ് നടത്തുന്ന ബിയോണ ബസിന്റെ ഡ്രൈവര് ലെനിന്, കണ്ടക്ടര് ഷെഫിന്, ക്ലീനര് അരുണ് എന്നിവര്ക്ക് നേരെയാണ് ആക്രമണമുണ്ടായത്. ബുധനാഴ്ച രാത്രി എട്ടരയോടെ തൊടുപുഴയില് നിന്നും വണ്ണപ്പുറത്തിന് പുറപ്പെട്ട ബസ് മങ്ങാട്ടുകവലയിലെത്തിയപ്പോഴാണ് യാത്രക്കാരെ ഭീതിയിലാഴ്ത്തിയ ആക്രമണം നടന്നത്. ബസില് നിറയെ യാത്രക്കാരുണ്ടായിരുന്നു. തൊടുപുഴ-ഈരാറ്റുപേട്ട റൂട്ടില് ബസ് സര്വ്വീസ് നടത്തുന്നവരുടെ നേതൃത്വത്തില് ബൈക്കിലും ഇന്നോവ കാറിലും എത്തിയ അക്രമികള് ബസിലേക്ക് പാഞ്ഞ് കയറി കമ്പിവടിയുമായി ബസ് ജീവനക്കാരെ ആക്രമിക്കുകയായിരുന്നു. ജീവനക്കാരുടെ ബാഗും സ്വര്ണ ഉരുപ്പടികളും കൊള്ളയടിച്ചു. സംഭവത്തില് 5 പേര്ക്കെതിരെയാണ് പോലീസ് കേസെടുത്തിരിക്കുന്നത്. നിരവധി ക്രിമിനല് കേസുകളിലെ പ്രതികളാണ് ഇപ്പോള് കേസില്പ്പെട്ടിരിക്കുന്നവര്.
ബിഎംഎസ് പ്രവര്ത്തകരെ ആക്രമിച്ച സംഭവത്തില് പ്രതികളെ പിടികൂടാനായില്ല
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.