ന്യൂദല്ഹി: രാജ്യത്തുനിന്ന് അന്ധത നിവാരണം ചെയ്യുകയെന്ന ലക്ഷ്യവുമായി ആര്എസ്എസ്. 2018നുള്ളില് രാജ്യത്ത് അന്ധതയില്ലാതാക്കുകയെന്ന ലക്ഷ്യത്തോടെയുള്ള പ്രചാരണ പരിപാടിക്ക് ശനിയാഴ്ച തുടക്കമാകും. ആര്എസ്എസിന്റെ ദിവ്യാംഗര്ക്കായുള്ള സംഘടന സമദൃഷ്ടി ക്ഷമതാ വികാസ് ഏവം അനുസന്ധാന് മണ്ഡലിനാണ് (സക്ഷമ) നടത്തിപ്പ് ചുമതല. ശനിയാഴ്ച ന്യൂദല്ഹിയില് സര്കാര്യവാഹ് ഭയ്യാജി ജോഷി ഉദ്ഘാടനം ചെയ്യുമെന്ന് ആര്എസ്എസ് പ്രാന്തീയാധികാരി ലളിത് ആനന്ദ് പറഞ്ഞു.
നേത്രദാന പദ്ധതികള് പ്രോത്സാഹിപ്പിക്കുകയും അവയവ ദാനത്തിന്റെ മഹത്വത്തെക്കുറിച്ച് ജനങ്ങളെ ബോധവത്കരിക്കുകയുമാണ് പ്രധാന ലക്ഷ്യമെന്ന് ലളിത് ആനന്ദ് വ്യക്തമാക്കി. നേത്രദാനത്തിന് ശ്രീലങ്ക കാണിച്ച പാതയാണ് പ്രചോദനം. നേത്രദാന യജ്ഞത്തില് ലങ്കയിലെ ജനങ്ങള് മുഴുവന് പങ്കാളികളായി. ഇവിടെയും അത്തരം സംരംഭങ്ങള്ക്ക് തുടക്കമിടും. സര്സംഘചാലകായിരുന്ന കെ.എസ്. സുദര്ശന് 2012ല് നേത്രദാന സമ്മതപത്രം നല്കിയ കാര്യവും ആനന്ദ് ചൂണ്ടിക്കാട്ടി.
2008ല് കേരളം, മഹാരാഷ്ട്ര, ഹരിയാന സംസ്ഥാനങ്ങളില് പദ്ധതിക്ക് തുടക്കമിട്ടു. അവിടങ്ങളില് വന് വിജയമായതോടെയാണ് രാജ്യം മുഴുവന് വ്യാപിപ്പിക്കാന് തീരുമാനിച്ചതെന്നും ആനന്ദ് പറഞ്ഞു. ഇതിനായി എല്ലാ മതനേതാക്കളുടെയും പിന്തുണ തേടും. അവരുടെ ഉദ്ബോധനങ്ങളിലും പ്രഭാഷണങ്ങളിലുമെല്ലാം അവയവ ദാനത്തിന്റെ മഹത്വം വിശദീകരിക്കാന് അഭ്യര്ത്ഥിക്കും. അവയവ ദാനത്തിന് ജനങ്ങളെ പ്രേരിപ്പിക്കാനും അഭ്യര്ത്ഥിക്കും. ഒരു വിഭാഗം ജനങ്ങളെങ്കിലും അന്ധവിശ്വാസങ്ങള് മൂലം അവയവ ദാനത്തിന് വിസമ്മതിക്കുന്നു. അത്തരം അന്ധവിശ്വാസങ്ങളെ തങ്ങള് എതിര്ക്കുന്നുവെന്നും ആനന്ദ് പറഞ്ഞു.
