കൊച്ചി: കാല്പ്പന്തുകളിയിലെ പ്രതിഭകളെ വാര്ത്തെടുക്കാന് ടെക്നിക്കല് ഡയറക്ടര്മാര് അനിവാര്യമാണെന്ന് ഫിഫയുടെ വിദ്യാഭ്യാസ സാങ്കേതിക വികസന വിഭാഗം മേധാവി ജെര്ഗ് നെഫെര്. ഫിഫ റീജണല് ഡവലപ്മെന്റ് ഓഫീസും കേരള ഫുട്ബാള് അസോസിയേഷനും ചേര്ന്ന് ടെക്നിക്കല് ഡയറക്ടര്മാര്ക്കായി കൊച്ചിയില് സംഘടിച്ച പഞ്ചദിന കോഴ്സില് പങ്കെടുത്തവര്ക്കുള്ള സര്ട്ടിഫിക്കറ്റുകള് വിതരണം ചെയ്തു സംസാരിക്കുകയായിരുന്നു അദ്ദേഹം.
പരിശീലകര്ക്കാവശ്യമായ നിര്ദ്ദേശം കൊടുക്കുക, കളിക്കാരുടെ കായികക്ഷമത, പരിശീലനം, ഓരോ രാജ്യത്തിന്റെയും പ്രത്യേകത അനുസരിച്ച് തന്ത്രങ്ങള് മെനയല് തുടങ്ങിയ കാര്യങ്ങളിലാണ് ടെക്നിക്കല് ഡയറക്ടര്മാര്ക്ക് വലിയ പങ്ക് വഹിക്കാനുള്ളത്. ഇന്ത്യയിലും ടെക്നിക്കല് ഡയറക്ടര്മാരെ നിയമിക്കാന് ആവശ്യപ്പെട്ടിട്ടുണ്ട്. ടെക്നിക്കല് ഡയറക്ടര്മാര് ഇല്ലാതെ ഫുട്ബാള് വളര്ത്താനാവില്ലെന്നും അദ്ദേഹം പറഞ്ഞു.
ഇന്ത്യയില് ടെക്നിക്കല് ഡയറക്ടര്മാര് നിയമിക്കുവാന് പ്രമുഖ ക്ലബ്ബുകളോട് ആവശ്യപ്പെട്ടിട്ടുണ്ടെങ്കിലും നിര്ബന്ധമാക്കിയിട്ടില്ലെന്ന് ചടങ്ങില് പങ്കെടുത്ത ആള് ഇന്ത്യാ ഫുട്ബാള് ഫെഡറേഷന് ജനറല് സെക്രട്ടറി നിഷാല്കുമാര് പറഞ്ഞു.
ദക്ഷിണ, മധ്യ ഏഷ്യയിലെ ഏഴു രാജ്യങ്ങളില് നിന്നായി 12 പേരാണ് കോഴ്സില് പങ്കെടുത്തത്. ഫിഫയുടെ എജ്യൂക്കേഷന് ആന്ഡ് ടെക്നിക്കല് ഡെവലപ്മെന്റ് തലവന് ഹോര്ജ് നെപ്ഫെറുടെ നിരീക്ഷണത്തിലായിരുന്നു പരിപാടി. ഇന്ത്യയില് നിന്ന് അഞ്ചു പേര് പങ്കെടുത്തു.
മാലിദ്വീപ്, ശ്രീലങ്ക, തുര്കമെനിസ്ഥാന്, കസാക്കിസ്ഥാന്, നേപ്പാള്, ഭൂട്ടാന് എന്നീ രാജ്യങ്ങളിലെ അംഗങ്ങളാണ് കോഴ്സില് പങ്കെടുത്തത്. ഇന്ത്യയില് നിന്ന് കേരളത്തിന് പുറമെ ഗോവ, ബംഗാള്, മിസോറം, അസം എന്നീ സംസ്ഥാനങ്ങളില്നിന്നുള്ള അംഗങ്ങളും കോഴ്സിന്റെ ഭാഗമായി.
എഐഐഎഫ് സെക്രട്ടറി കുശാല് ദാസ്, വൈസ് പ്രസിഡന്റ് കെ.എം.ഐ. മേത്തര്, ദക്ഷിണ, മധ്യ ഏഷ്യയിലെ ഫിഫയുടെ റീജ്യണല് ഡെവലപ്മെന്റ് ഓഫീസര് ഡോ. ഷാജി പ്രഭാകരന് എന്നിവരും ചടങ്ങില് പങ്കെടുത്തു.
