പാരാദീപ് (ഒഡീഷ) : രാജ്യവികസനം വൈകിപ്പിച്ചത് കോണ്ഗ്രസാണെന്ന് പ്രധാനമന്ത്രി നരേന്ദ്ര മോദി. കോണ്ഗ്രസ് ഭരണത്തില് പദ്ധതികള് വൈകിച്ചു, ഇതുമൂലം തൊഴില് സാധ്യത ഇല്ലാതാക്കി, രാജ്യ വികസനത്തിന്റെ വേഗത കുറച്ചു, വലിയ സാമ്പത്തിക നഷ്ടം ഉണ്ടാക്കി, പ്രധാനമന്ത്രി വിശദീകരിച്ചു. പാരാദീപ് എണ്ണ റിഫൈനറി രാഷ്ട്രത്തിനു സമര്പ്പിച്ച ശേഷം നടന്ന പൊതു യോഗത്തില് സംസാരിക്കുകയായിരുന്നു അദ്ദേഹം.
തുടര്ച്ചയായി ഇത് മൂന്നാം ദിവസവും പ്രധാനമന്ത്രി, കോണ്ഗ്രസിനെയും കോണ്ഗ്രസ് ഭരണത്തേയും വിലയിരുത്തുകയാണ്
ഞാന് എവിടെ ഒരു പദ്ധതിയുടെ ഉദ്ഘാടനത്തിനു പോകുന്നോ, എന്റെ സുഹൃത്തക്കളായ കോണ്ഗ്രസുകാര് പറയുന്നു, അത് അവര് തുടങ്ങിയതാണെന്ന്. പദ്ധതി ഉദ്ഘാടനം എനിക്ക് സന്തോഷം നല്കുന്നതു സ്വാഭാവികമാണ്. പക്ഷേ, ഈ പദ്ധതികള് എന്തുകൊണ്ടിത്ര വൈകി എന്നോര്ക്കുമ്പോള് എനിക്കു ദുഃഖമാണ്.
ഈ പദ്ധതിതന്നെ 15 വര്ഷം മുമ്പ് പ്രവര്ത്തനക്ഷമമായിരുന്നെങ്കില് എന്നാലോചിച്ചു നോക്കൂ, ലക്ഷക്കണക്കിനു യുവാക്കള്ക്ക് തൊഴില് ലഭിച്ചേനെ, മോദി വിശദീകരിച്ചു.
അന്നത്തെ പ്രധാനമന്ത്രി അടല് ബിഹാരി വാജ്പേയി 2000-ല് തറക്കല്ലിട്ടതാണ് ഈ റിഫൈനറി പദ്ധതിയെന്ന് മോദി പറഞ്ഞു. പ്രധാനമന്ത്രിമുതല്, രാഷ്ട്രീയക്കാര് മുതല്,ഉദ്യോഗസ്ഥര് മുതല്, സാധാരണക്കാരന് വരെ പദ്ധതികള് യഥാ സമയം തുടങ്ങിയെന്നും നിശ്ചിത സമയത്ത് പൂര്ത്തിയാക്കിയെന്നും ഉറപ്പാക്കിയാലേ അതു രാജ്യത്തിനു നേട്ടമുണ്ടാക്കൂ, അദ്ദേഹം പറഞ്ഞു.
റിഫൈനറി പദ്ധതി അധികാരത്തിലേറി 18 മാസത്തിനകം പൂര്ത്തിയാക്കി. അതിവേഗ പദ്ധതിയില് പെടുത്തി എങ്ങനെ ഒരു യജ്ഞം പൂര്ത്തിയാക്കാമെന്നതിനുദാഹരണമാണിത്. ഒരു പദ്ധതി ആസൂത്രണം ചെയ്യാന് 40-50 വര്ഷം, പിന്നെ അതു നടപ്പാക്കാന് 10 വര്ഷം എന്ന നയം ഒരു തരത്തിലും ഗുണകരമല്ലെന്ന് മോദി ഓര്മ്മിപ്പിച്ചു.
സര്ക്കാര് മേഖലയും സ്വകാര്യ മേഖലയും മാത്രം പോരാ, വൈയക്തിക മേഖലയും കൂടി ചേര്ന്നാലേ വളര്ച്ച പൂര്ത്തിയാകൂ എന്നും വേഗത്തിലാകൂ എന്നും അദ്ദേഹം തുടര്ന്നു. രാജ്യം 75-ാം സ്വാതന്ത്ര്യവാര്ഷികം ആഘോഷിക്കുന്ന 2022-ല് പെട്രോൡയം ഉല്പ്പന്നങ്ങളെ ആശ്രയിക്കുന്നതില് 10 ശതമാനം കുറവുണ്ടാക്കാനാണ് ശ്രമിക്കുന്നതെന്ന് പ്രധാനമന്ത്രി പറഞ്ഞു.
പാരാദീപിലെ റിഫൈനറി തികച്ചും മേക് ഇന് ഇന്ത്യ പദ്ധതിയുടെ തിളങ്ങുന്ന ഉദാഹരണണമാണെന്ന് പ്രധാനമന്ത്രി പറഞ്ഞു. ഇന്ഡ്മാക്സ് സാങ്കേതിക വിദ്യയുടെ ഉപയോഗത്തിലൂടെ ഭാരതീയ ശാസ്ത്രജ്ഞര് വിവിധ ഹൈഡ്രോ കാര്ബണ് ശ്രേണികളെ ഡിസ്റ്റിലേറ്റ് ചെയ്ത് ലോകത്തെ അമ്പരപ്പിച്ചിരിക്കുകയാണ്, മോദി പറഞ്ഞു.
