കണ്ണൂര്: അധ്യാപകരുടെ ഹാജര് പട്ടികയില് ബോധപൂര്വ്വം തിരുത്തല് വരുത്തിയതിന് വാരം യുപി സ്കൂള് മുന് ഹെഡ്മാസ്റ്റര് എം.പി.മോഹനനും സഹാധ്യാപിക കെ.ലിസിക്കുമെതിരെ കണ്ണൂര് ഒന്നാം ക്ലാസ് മജിസ്ട്രേറ്റ് കോടതി കേസെടുത്ത് സമന്സ് അയക്കാന് ഉത്തരവിട്ടു. 2007 ജുലൈ മാസത്തില് പ്രതീക്ഷിത ഒഴിവില് ജോലിയില് പ്രവേശിപ്പിച്ച ആറുപേരില് നാലാമതായാണ് കെ.ലിസി ഹാജര് രജിസ്റ്ററില് ഒപ്പുവെച്ചിരുന്നത്. എന്നാല് ആദ്യം വരുന്ന മൂന്നുപേരുടെ സീനിയോറിറ്റി മറികടക്കുക എന്ന ഉദ്ദേശത്തോടെ രജിസ്റ്ററില് തിരുത്തു വരുത്തി ഒരു ദിവസം നേരത്തെ ഒപ്പിട്ടതായി ഹെഡ്മാസ്റ്റര് മോഹനന് അറ്റന്റന്സ് രജിസ്റ്ററില് മാറ്റം വരുത്തുകയായിരുന്നു. ഇതു സംബന്ധിച്ച് സീനിയോറിറ്റി നഷ്ടപ്പെട്ട അധ്യാപിക കെ.വി.സുധാദേവി കണ്ണൂര് ടൗണ് പോലീസില് പരാതി നല്കുകയും പോലീസ് അന്വേഷണം നടത്തുകയും ചെയ്തിരുന്നു. എന്നാല് കേസന്വേഷണം ശരിയായ രീതിയില് നടത്താതെ പോലീസ് കേസ് തള്ളുകയായിരുന്നു. ഇതേത്തുടര്ന്ന് പരാതിക്കാരി അഡ്വ.സി.കെ.രത്നാകരന് മുഖാന്തിരം കോടതിയെ സമീപിക്കുകയായിരുന്നു. കോടതി നടത്തിയ ഉത്തരവിന്റെ അടിസ്ഥാനത്തില് ഫോറന്സിക് ഡിപ്പാര്ട്ടമെന്റിലെ വിദഗ്ധരുടെ പരിശോധനയില് ബോധപര്വ്വവും കുറ്റകരവുമായ രീതിയില് തിരുത്തലുകള് വരുത്തിയിട്ടുണ്ടെന്ന് ബോധ്യപ്പെട്ടതിന്റെ അടിസ്ഥാനത്തിലാണ് ഒന്നാം പ്രതി എം.പി.മോഹനനെതിരെയും രണ്ടാം പ്രതി കെ.ലിസിക്കെതിരെയും കോടതി കേസെടുക്കാന് തീരുമാനിച്ചത്.
അധ്യാപക രജിസ്റ്ററില് തിരുത്ത്: മുന് അധ്യാപകനും സഹാധ്യാപികക്കുമെതിരെ കേസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.