ആലക്കോട്: കര്ണാടക അതിര്ത്തിയില് താമസിക്കുന്ന വീട്ടുകാരെ ആയുധധാരികളായ മൂന്നംഗസംഘം ഭീഷണിപ്പെടുത്തിയതായി പരാതി. തോക്കുമായി എത്തിയ സംഘം മാവോയിസ്റ്റുകളാണെന്ന സംശയമുയര്ന്നിട്ടുണ്ട്. സംഭവത്തെ തുടര്ന്ന് ഉന്നത പോലീസ് സംഘം ഈ മേഖലയില് പരിശോധന നടത്തി. ഉദയഗിരി ജയഗിരി മലയിലെ പുതുപപ്പറമ്പില് സാബുവിന്റെ വീട്ടിലാണ് കഴിഞ്ഞദിവസം രാത്രി ആയുധധാരികളായ സംഘം എത്തിയത്. സാബു, ഭാര്യ സോജി, മക്കളായ സാനിയ, സോഫിന് എന്നിവരാണ് വീട്ടിലുണ്ടായിരുന്നത്. കര്ണാടക വനാതിര്ത്തിയില് നിന്നും 100 മീറ്റര് മാത്രം അകലെയാണ് ഇവരുടെ വീട്. ഞായറാഴ്ച രാത്രി സോജി വീട്ടുമുറ്റത്ത് ഉണങ്ങാനിട്ട തുണിയെടുക്കാനായി പുറത്തിറങ്ങിയപ്പോഴാണ് മൂന്നംഗ തോക്കുധാരികളെ കണ്ടത്. വൈദ്യുതി ബന്ധം നിലച്ച സമയമായതിനാല് കയ്യില് ടോര്ച്ച് ണ്ടായിരുന്നതായി ഇവര് പറഞ്ഞു. ടോര്ച്ച് അണക്കാന് പറഞ്ഞ സംഘത്തെക്കണ്ട് സോജി ഭയന്ന് നിലവിളിക്കുകയും ബഹളം കേട്ട് സാബു പുറത്തിറങ്ങിയപ്പോള് സംഘം ഇയാളെ ഭീഷണിപ്പെടുത്തുകയും ചെയ്തത്രെ. ഇവര് കൂട്ടമായി ബഹളം വെച്ചതോടെ സംഘം ഓടി കാട്ടിനുള്ളില് മറയുകയായിരുന്നു. കഴിഞ്ഞദിവസം ഇവര് പോലീസില് നല്കിയ പരാതിയെ തുടര്ന്നാണ് തളിപ്പറമ്പ് ഡിവൈഎസ്പി എ.സുരേന്ദ്രന്, എസ്ഐ ടി.വി.അശോകന് എന്നിവരുടെ നേതൃത്വത്തിലുള്ള പോലീസ് സംഘം മേഖലയില് അന്വേഷണമാരംഭിച്ചത്. നേരത്തെ ജയഗിരിയുടെ പരിസര പ്രദേശമായ കാനം വയല് ഭാഗത്ത് മാവോയിസ്റ്റുകളെ കണ്ടെത്തിയിരുന്നു. ഈ സാഹചര്യത്തില് പോലീസ് ഗൗരവമായി എടുത്തിട്ടുണ്ട്.
വനാതിര്ത്തിയില് താമസിക്കുന്ന വീട്ടുകാരെ മൂന്നംഗ സംഘം ഭീഷണിപ്പെടുത്തി: മാവോയിസ്റ്റുകളെന്ന് സംശയം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.