കോട്ടയം: ബിജെപി സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന വിമോചനയാത്രയ്ക്ക് 4ന് കോട്ടയത്ത് നല്കുന്ന സ്വീകരണത്തിന് മുന്നോടിയായി ജില്ലയില് 1000 കേന്ദ്രങ്ങളില് ബിജെപി പ്രവര്ത്തകര് പതാക ഉയര്ത്തി. സ്വീകരണ സമ്മേളനം ഉദ്ഘാടനം ചെയ്യുന്നതിനായി ദേശീയ അദ്ധ്യക്ഷന് അമിത്ഷാ എത്തുമെന്നറിഞ്ഞതോടെ പ്രവര്ത്തകര്ക്കിടയില് വന് ആവേശമാണ് ദൃശ്യമാകുന്നത്. രാവിലെ 8.30നാണ് ബൂത്തുകേന്ദ്രങ്ങളില് പതാക ഉയര്ത്തിയത്. അതിന് ശേഷം എല്ലാ ബൂത്തും എല്ലാ വീടുമെന്ന ലക്ഷ്യത്തോടെയുള്ള മഹാസമ്പര്ക്കയജ്ഞവും ഇന്നലെ നടന്നു. ഓറ്റദിവസംകൊണ്ട് ഏകദേശം 50000 വീടുകളില് പ്രവര്ത്തകര് സമ്പര്ക്കം നടത്തി. പ്രചരണ പ്രവര്ത്തനങ്ങളുടെ രണ്ടാംഘട്ടമെന്ന നിലയില് വിളംബര റാലികള് ആരംഭിച്ചു. യുവമോര്ച്ചയുടെയും മറ്റും നേതൃത്വത്തില് ഇരുചക്രവാഹനറാലികള് നിയോജകമണ്ഡലത്തില് നടക്കും.
പതാകദിനാചരണത്തിന്റെ ജില്ലാതല ഉദ്ഘാടനം തിരുനക്കരയില് പാര്ട്ടി പതാക ഉയര്ത്തിക്കൊണ്ട് ജില്ലാ പ്രസിഡന്റ് എന്.ഹരി നിര്വ്വഹിച്ചു. ടൗണ് കമ്മിറ്റി പ്രസി. നാസര് റാവുത്തറിന്റെ നേതൃത്വത്തില് നടന്ന പരിപാടിയില് നിയോജകമണ്ഡലം പ്രസിഡന്റ് സി.എന്.സുഭാഷ്, ടി.എന്.ഹരി, ബിനു.ആര്.വാര്യര്, പി.ജെ.ഹരികുമാര്, ഡി.എല്.ഗോപി, രാധാകൃഷ്ണ് കുടമാളൂര്, റീബാവര്ക്കി, ഇന്ദിരകുമാരി, സിബു അജിത്ത്, ആര്.രാജു, സുരേഷ്, രാജേന്ദ്രന്, രതീഷ്, ചന്ദ്രബോസ് തുടങ്ങിയവര് പങ്കെടുത്തു.
