കാഞ്ഞിരപ്പള്ളി: ക്ഷീരവികസന വകുപ്പ് കാഞ്ഞിരപ്പള്ളി ബ്ലോക്കിന്റെ നേതൃത്വത്തില് ക്ഷീരകര്ഷക സംഗമം ഇന്ന് രാവിലെ 10.30ന് തമ്പലക്കാട് ഗവ. എല്. പി. സ്കൂളില് നടത്തും.
ചടങ്ങില് ബള്ക്ക് മില്ക്ക് കൂളറിന്റെ ഉദ്ഘാടനം നോര്ത്ത് ക്ഷീരസംഘത്തില് വച്ച് നടത്തും. ക്ഷീരവികസന വകുപ്പ് മന്ത്രി കെ. സി. ജോസഫ് പൊതുസമ്മേളനം ഉദ്ഘാടനം ചെയ്യും. ഡോ. എന്. ജയരാജ് എംഎല്എ അധ്യക്ഷത വഹിക്കും. ക്ഷീരവികസന വകുപ്പ് ഡയറക്ടര് കെ. ടി. സരോജിനി പദ്ധതി വിശദീകരണവും, ആന്റോ ആന്റണി എം. പി. മുഖ്യപ്രഭാഷണവും നടത്തും.
ബ്ലോക്കിലെ മികച്ച ക്ഷീരകര്ഷകരെ ബ്ലോക്ക് പഞ്ചായത്ത് പ്രസിഡന്റ് അന്നമ്മ ജോസഫ് ആദരിക്കും. ഏറ്റവും കൂടുതല് പാല് സമാഹരിച്ച സംഘത്തിനുള്ള അവാര്ഡ് മില്മ ചെയര്മാന് ബാലന് മാസ്റ്ററും ബ്ലോക്കിലെ മികച്ച ക്ഷീരകര്ഷരെ ആദരിക്കല് ഗ്രാമപഞ്ചായത്ത് പ്രസിഡന്റ് ഷക്കീലാ നസീറും നിര്വഹിക്കും. സംഘങ്ങള്ക്കുള്ള ധനസഹായ വിതരണം എലിക്കുളം പഞ്ചായത്ത് പ്രസിഡന്റ് സുമംഗലാ ദേവിയും ഡയറി യൂണിറ്റ് ധനസഹായ വിതരണം ഡപ്യൂട്ടി ഡയറക്ടര് ടോം സി. ആന്റണിയും എസ്. സി. പി. ധനസഹായ വിതരണം ജില്ലാ പഞ്ചായത്തംഗം സെബാസ്റ്റിയന് കുളത്തുങ്കലും നിര്വഹിക്കും. പഞ്ചായത്ത് തലത്തില് ഏറ്റവും കൂടുതല് പാല് അളന്ന കര്ഷകര്ക്കുള്ള സമ്മാനദാനം, ജോളി മടുക്കക്കുഴി, അഡ്വ. പി. എ. ഷെമീര്, റോസമ്മ ആഗസ്തി, ലീലാമ്മ കുഞ്ഞുമോന്, ജോഷി അഞ്ചനാട് എന്നിവര് നിര്വഹിക്കും. കന്നുകാലി പ്രദര്ശന മത്സര വിജയികള്ക്കുള്ള സമ്മാനദാനം ബ്ലോക്ക് പഞ്ചായത്തംഗം മറിയമ്മ ജോസഫും നിര്വഹിക്കും. രാവിലെ ഒന്പതിന് കന്നുകാലി പ്രദര്ശനം, തുടര്ന്ന് സെമിനാര്, ചോദ്യോത്തര പരിപാടി എന്നിവ നടത്തും.
