കോട്ടയം: ബിജെപി അഖിലേന്ത്യാ പ്രസിഡന്റ് അമിത്ഷായെ വരവേല്ക്കുവാന് ഒരുക്കങ്ങള് ആരംഭിച്ചു. സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന വിമോചന യാത്രക്ക് ഫെബ്രുവരി 4ന് കോട്ടയത്ത് നടക്കുന്ന സ്വീകരണ സമ്മേളനം ഉദ്ഘാടനം ചെയ്യുന്നതിനാണ് അമിത്ഷാ കോട്ടയത്ത് എത്തുന്നത്. കോട്ടയം നെഹ്റു സ്റ്റേഡിയത്തില് സജ്ജമാക്കുന്ന വേദിയില് നടക്കുന്ന സമ്മേളനത്തില് 50000 പേര് പങ്കെടുക്കും. പ്രശസ്ത സംഗീത സംവിധായകന് ആലപ്പി രംഗനാഥ് ചെയര്മാനും ബിജെപി ജില്ലാ പ്രസിഡന്റ് എന്. ഹരി ജനറല് കണ്വീനറുമായ 501 അംഗ സ്വാഗത സംഘമാണ് പ്രവര്ത്തനങ്ങള്ക്ക് നേതൃത്വം കൊടുക്കുന്നത്. പ്രസ്ക്ലബ് ഹാളില് ചേര്ന്ന സ്വാഗത സംഘ രൂപീകരണ യോഗത്തില് ജില്ലാ പ്രസിഡന്റ് എന്. ഹരി അദ്ധ്യക്ഷത വഹിച്ചു. കര്ഷകമോര്ച്ച സംസ്ഥാന പ്രസിഡന്റ് പി.ആര്. മുരളീധരന് ഉദ്ഘാടനം ചെയ്തു. സംസ്ഥാന നിര്വ്വാഹക സമിതി അംഗങ്ങളായ ബി. രാധാകൃഷ്ണമേനോന് പ്രൊഫ. ബി. വിജയകുമാര്, ആലപ്പി രംഗനാഥ്, കെ.പി. സുരേഷ്, ജി. ലിജിന്ലാല് തുടങ്ങിയവര് പ്രസംഗിച്ചു.
ഏറ്റുമാനൂര്: ബിജെപി സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന വിമോചന യാത്രയ്ക്ക് കോട്ടയത്ത് ഫെബ്രുവരി 4 ന് സ്വീകരണം നല്കുന്നതിന് മുന്നോടിയായി യുവമോര്ച്ച ഏറ്റുമാനൂര് നിയോജക മണ്ഡലം കമ്മറ്റിയുടെ ആഭിമുഖ്യത്തില് വിളംബര ബൈക്ക് റാലി നടക്കും. 31 ന് രാവിലെ 9 മണിക്ക് കുമരകം കൈപ്പുഴ മുട്ടില് നിന്ന് യുവമോര്ച്ച ഏറ്റുമാനൂര് നിയോജക മണ്ഡലം പ്രസിഡന്റ് അഭിലാഷ് ശ്രീനിവാസന്റെയും ജനറല് സെക്രട്ടറി ഗിരീഷ് പേരൂരിന്റെയും നേതൃത്വത്തില് ആരംഭിക്കുന്ന ബൈക്ക് റാലി ബിജെപി സംസ്ഥാന കമ്മറ്റി അംഗം ഏറ്റുമാനൂര് രാധാകൃഷ്ണന് ഉദ്ഘാടനം ചെയ്യും. യുവമോര്ച്ച ജില്ലാ പ്രസിഡന്റ് എസ്.രതീഷ് ഫഌഗ് ഓഫ് ചെയ്യും.
നിയോജക മണ്ഡലത്തിലെ എല്ലാ പഞ്ചായത്തുകളിലൂടെയും കടന്നു പോകുന്ന റാലി വൈകിട്ട് 6ന് ഏറ്റുമാനൂരില് സമാപിക്കും. ബിജെപി ജില്ലാ പ്രസിഡന്റ് എന്.ഹരി സമാപനസമ്മേളനത്തില് പ്രസംഗിക്കും.
