കോട്ടയം: ആര്‍മിയിലേക്കുള്ള റിക്രൂട്ട്‌മെന്റ് നടത്തുന്നത് ആര്‍മി നേരിട്ടാണെന്നും ജോലി വാഗ്ദാനം ചെയ്ത് ഉദ്യോഗര്‍ഥികളില്‍ നിന്നും പണം കബളിപ്പിച്ചു വാങ്ങുന്ന ഏജന്റുമാരുടെ വലയില്‍ അകപ്പെടരുതെന്നും ഡെപ്യൂട്ടി ഡയറക്ടര്‍ ജനറല്‍ ബ്രിഗേഡിയര്‍വിക്ടര്‍ രാജാമണി അറിയിച്ചു.കഴിഞ്ഞ ഒരാഴ്ചയായി നെഹ്രുസ്‌റ്റേഡിയത്തില്‍ നടന്നുവന്ന ആര്‍മി റിക്രൂട്ടുമെന്റ്‌റാലിയുടെ സമാപനത്തോടനുബന്ധിച്ച് സംഘടിപ്പിച്ച പത്രസമ്മേളനത്തിലാണ് അദ്ദേഹം ഇക്കാര്യം അറിയിച്ചത്. റാലിയില്‍പങ്കെടുത്ത 14000 ഉദ്യോഗര്‍ഥികളില്‍നിന്ന് കായികക്ഷമതാ പരീക്ഷക്കും വൈദ്യപരിശോധനക്കും ശേഷം 2900 പേരെ പ്രവേശന പരീക്ഷക്ക് തെരഞ്ഞടുത്തു. ഏഴ് തസ്തികകളിലേക്കാണ് തെരഞ്ഞടുപ്പ്.പ്രവേശന പരീക്ഷ ജനുവരി 31-നും ഫെബ്രുവരി 28 നും തിരുവനന്തപുരത്ത് നടക്കും. തിരുവനന്തപുരം ആസ്ഥാനമായി പ്രവര്‍ത്തിക്കുന്ന ആര്‍മി റിക്രൂട്ട്‌മെന്റ് ഓഫീസിന്റെ മേല്‍നോട്ടത്തില്‍ തിരുവനന്തപുരം,കൊല്ലം,കോട്ടയം,ഇടുക്കി,ആലപ്പുഴ,എറണാകുളം, പത്തനംതിട്ട ജില്ലകള്‍ക്കുവേണ്ടിയാണ് റാലി നടത്തിയത്. റാലി വിജയകരമാക്കുന്നതിന് സഹകരണം നല്‍കിയ ജില്ലാഭരണകൂടത്തിനും വിവിധ വകുപ്പുകള്‍ക്കും റാലിയെക്കുറിച്ചുള്ള വാര്‍ത്തകള്‍ പ്രസിദ്ധീകരിച്ച് റാലിയില്‍ കൂടുതല്‍ ഉദ്യോഗാര്‍ഥികളുടെ പങ്കാളിത്തം ഉണ്ടാക്കിയതിന് മാധ്യമങ്ങള്‍ക്കും അദ്ദേഹം നന്ദി അറിയിച്ചു. അടുത്തബാച്ച് റിക്രൂട്ട്‌മെന്റ് ഏപ്രില്‍ മെയ് മാസങ്ങളില്‍ ഇടുക്കി ജില്ലയില്‍ നടത്തും. ആര്‍മി റിക്രൂട്ട്‌മെന്റ് ഓഫീസര്‍ കേണല്‍ പി.ആര്‍.രവികുമാര്‍,കേണല്‍ പ്രശാന്ത് പഠ് കുമാര്‍ എന്നിവരും പത്രസമ്മേളനത്തില്‍ പങ്കെടുത്തു.
റിക്രൂട്ട്‌മെന്റ് നടത്തുന്നത് ആര്‍മി നേരിട്ട്: ഉദ്യോഗാര്‍ഥികള്‍ വഞ്ചിതരാകരുത്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.