കോതമംഗലം: മട്ടാഞ്ചേരി ബാസ്റ്റണ് ബംഗ്ലാവില് ഫെബ്രുവരി ആദ്യവാരം ആരംഭിക്കുന്ന ജില്ലാ പൈതൃക മ്യൂസിയത്തിലേയ്ക്ക് പുരാവസ്തുക്കളും പൈതൃക ചിഹ്നങ്ങളും തേടി ഉദേ്യാഗസ്ഥര് കുട്ടമ്പുഴ പഞ്ചായത്തിലെ ആദിവാസി കുടികളിലെത്തി. സംസ്ഥാന സര്ക്കാര് ജില്ലകള് തോറും ആരംഭിക്കുന്ന പൈതൃക മ്യൂസിയത്തിലെ ആദ്യത്തെതാണ് മട്ടാഞ്ചേരിയിലേത്. ജില്ലയുടെ കിഴക്കന് മലയോര മേഖലയിലെ ആചാരങ്ങളും ജീവിത രീതികളും വരും തലമുറക്ക് പകര്ന്ന് നല്കുന്നതിനും ഏറെ പ്രയോജനപ്പെടുന്നതാകും വസ്തുക്കളുടെ ശേഖരണം. കല്ലേലി മേട്, തലവച്ചു പാറ കോളനികളാണ് സംഘം സന്ദര്ശിച്ചത്.
ആദിവാസി സമൂഹം വേട്ടക്ക് ഉപയോഗിക്കുന്ന ഈത്തകുഴല്, വാദ്യ ഉപകരണമായ ഉറമ്പശി (തുടി), മുളകൊണ്ട് നിര്മ്മിച്ച അമ്പ്, വില്ല്, അമ്പു കൂട്, മരത്തില് കയറി തേന് എടുത്ത് കൊണ്ടുവരാന് ഉപയോഗിക്കുന്ന മുളകുറ്റി, മരത്തില് ഇല്ലികമ്പുകള് തറക്കുന്നതിന് ഉപയോഗിക്കുന്ന കൊട്ടാ പിടി (കൊട്ടുവടി ) മുളനാഴി, ആനമുള കീറി കട്ടിലിന് തട്ടായി ഉപയോഗിക്കുന്ന തട്ടിക ഉള്പ്പടെ നിരവധി വസ്തുക്കള് ശേഖരിച്ചു.
പ്രായമേറിയ സ്ത്രീകള് ഉപയോഗിക്കുന്ന നാണയങ്ങള് കോര്ത്ത ആഭരണങ്ങളും മറ്റും ലഭിച്ചില്ല. ഇതിന് കാരണം മരണപ്പെടുന്ന വ്യക്തിയെ സംസ്ക്കരിക്കുന്നതിനൊപ്പം അയാള് ഉപയോഗിച്ചിരുന്നു വസ്തുക്കള് മുഴുവനും കുഴിച്ച് മുടുന്ന ആചാരം നിലനില്ക്കുന്നതിനാലാണ് ഇവയൊന്നും ലഭിക്കാതിരുന്നത്. പുതുതലമുറ അധികവും പ്ലാസ്റ്റിക് ഉള്പ്പടെയുള്ള ആഭരണങ്ങളാണ് ഉപയോഗിക്കുന്നത്.
കുഞ്ചി പാറ മാന്തി മേടില് മരുതപ്പന്റെ ഉടമസ്ഥതയിലുള്ള സ്ഥലത്തെ മുനിയറ സംഘം സന്ദര്ശിച്ചു. വനത്തിനുള്ളില് ഏകദേശം മൂന്ന് കിലോമീറ്റര് മാറി മുക്കു വരയില് തകര്ച്ച സംഭവിക്കാത്ത മുനിയറ ഉണ്ടെന്ന് ഉദേ്യാഗസ്ഥ സംഘത്തിന് ഗൈഡായി കൂടിയ ആദിവാസി യുവാവ് തങ്കച്ചന് പറഞ്ഞു.
പൈതൃക പുരാവസ്തുക്കള് തേടി രണ്ടാം തവണയാണ് ഉദേ്യാഗസ്ഥ സംഘം കോതമംഗലത്ത് എത്തിയത്. ആദ്യ തവണ തൃക്കാരിയൂര്, കുട്ടമ്പുഴ കിണാച്ചേരി പാലമറ്റം തുടങ്ങിയ സ്ഥലങ്ങള് സന്ദര്ശിച്ച് പുരാവസ്തുക്കളും പൈതൃക വസ്തുക്കളും ശേഖരിച്ചിരുന്നു. ആദിവാസി മേഖലകള് സന്ദര്ശിച്ച് പൈതൃക വസ്തുക്കള് ശേഖരിക്കുന്നതിന് ബ്ലോക്ക് പഞ്ചായത്തംഗം ശാന്തമ്മ പയസ് പി.കെ.ബാബു, എന്.എ.സുബൈര്എന്നിവര് അനുഗമിച്ചു. ഹില് പാലസ് മാനേജര് കെ.കെ.അബ്ദുല് ഹക്കിം, കെ.ഹരികുമാര് ,പി.കെ കുഞ്ഞപ്പന്, പി.എച്ച് .മുഹമ്മദ്, സി.പി.സുധീഷ്, ആന്റണി ബ്രിട്ടോ എന്നിവരടങ്ങുന്ന പുരാ വസ്തു വകുപ്പ് ഉദേ്യാഗസ്ഥരാണ് കുടികളിലെത്തിയത്.
