ഈരാറ്റുപേട്ട: ടൗണ് ബസ് സ്റ്റാന്ഡ് നിര്ത്തലാക്കാനുള്ള നീക്കം അവസാനിപ്പിക്കണമെന്ന് ബസ് സ്റ്റാന്ഡ് സംരക്ഷണ സമിതി ആവശ്യപ്പെട്ടു. സര്വ്വീസുകള് കടുവാമൂഴി സ്റ്റാന്ഡില് നിന്നാരംഭിച്ച് കാലക്രമേണ ടൗണ് സ്റ്റാന്ഡ് തന്നെ ഇല്ലാതാക്കാനുള്ള നീക്കമാണ് ഇപ്പോള് നടക്കുന്നത്. ഇപ്പോള് നിലവിലുള്ള സംവിധാനത്തില് ബസുകള്ക്കും യാത്രക്കാര്ക്കും ബുദ്ധിമുട്ടില്ലാത്ത രീതിയിലാണ് പ്രവര്ത്തിക്കുന്നതെന്നും ചില സ്വാര്ത്ഥ താല്പര്യങ്ങളാണ് നടക്കുന്നതെന്നും സമിതി ആരോപിച്ചു. കൗണ്സില് യോഗത്തിലെടുത്ത തീരുമാനം നടപ്പാക്കിയാല് കോടതിയെ സമീപിക്കുമെന്നും ഭാരവാഹികള് പറഞ്ഞു.
കടുവാമൂഴിയിലെ സ്റ്റാന്ഡ് വേണമെന്നു തന്നെയാണ് തങ്ങളുടെ നിലപാടെന്നും സംരക്ഷണ സമിതി ഭാരവാഹികള് പറഞ്ഞു. നഗരസഭാ കൗണ്സില് എടുത്ത തീരുമാനങ്ങള് പുനപരിശോധിക്കണമെന്നും ഗതാഗതക്കുരുക്ക് കുറയ്ക്കാന് ശാസ്ത്രീയമായ മറ്റ് മാര്ഗ്ഗങ്ങള് തേടണമെന്നും സമിതി ഭാരവാഹികളായ നിയാസ് വെള്ളൂപ്പറമ്പില്, പി.എ മുനീര്, ഗഫാര് മോതീന്കുന്നേല്, പി.ജെ ജോണ്സണ്, അബ്ദുള് ഹക്കിം എന്നിവര് ആവശ്യപ്പെട്ടു.
