വളരുന്ന നഗരത്തിന്റെ അടയാളമായി മാറുകയാണ് മാലിന്യക്കൂമ്പാരങ്ങള്. മാലിന്യങ്ങള് നടവഴികളിലും അന്യന്റെ വീടിന് മുന്നിലും കിടന്ന് ദുര്ഗന്ധം വമിക്കുമ്പോഴും അതിന് കാരണക്കാരായ നാമോരോരുത്തരും മൂക്കുംപൊത്തി നടക്കും! ഞാനല്ല, എനിക്കൊന്നുമറിയില്ലെന്ന മട്ടില്. നമ്മുടെ പൊതുബോധം അത്രക്കും കെങ്കേമമാണ്.
അവരും ഇവരും പൊതുവഴിയില് തള്ളുമ്പോള് ഞാന് മാത്രമായിട്ടെന്തിനാ എന്നതാണ് നമ്മുടെ മനോഗതി. മറ്റുള്ളവരെ പഴിചാരി സ്വയം അനുകരിക്കുകയല്ല ചെയ്യേണ്ടത്. മറിച്ച് സ്വയം തിരുത്തി മറ്റുള്ളവര്ക്ക് മാതൃകയാവുകയാണ് വേണ്ടത്.
ഓരോ വീടുകളിലേയും മാലിന്യങ്ങള് അതാത് വീടുകളില്തന്നെ സംസ്കരിക്കാനുള്ള സംവിധാനം നിഷ്കര്ഷിക്കണം. കച്ചവടസ്ഥാപനങ്ങളിലെ അവശിഷ്ടങ്ങള് സ്വന്തം ഉത്തരവാദിത്വത്തില് നിര്മാര്ജനം ചെയ്യപ്പെടുന്നുവെന്ന് എല്ലാറ്റിനുമുപരി ഫഌറ്റുകളില്നിന്ന് വലിച്ചെറിയെപ്പടുന്ന ടണ്കണക്കിന് അവശിഷ്ടങ്ങള് ഫഌറ്റ്കോമ്പൗണ്ടില്തന്നെ സംസ്കരിക്കാനുള്ള സമഗ്ര നിയമമുണ്ടാവണം. വീടുകള്ക്കും ഫഌറ്റുകള്ക്കും നിര്മാണാനുമതി നല്കുമ്പോള് അവ പാലിക്കപ്പെടുന്നുണ്ടെന്ന് ബന്ധപ്പെട്ടവര് ഉറപ്പുവരുത്തണം. എല്ലാറ്റിനുമുപരി പൊതുജനത്തിന്റെ പൊതുബോധം ലാഘവബുദ്ധി വെടിഞ്ഞ് സദാ ഉണര്ന്നുപ്രവര്ത്തിക്കണം. പരിസരവും അന്തരീക്ഷവും ശുദ്ധമായാല് അതുതന്നെ വലിയൊരു ആരോഗ്യദായകമായ കാര്യമാവും.
മനോജ്കൃഷ്ണന്, പെരുമ്പാവൂര്
