കോഴിക്കോട്: കോഴിക്കോട് കുട്ടികളുടെയും സ്ത്രീകളുടെയു ആശുപത്രിയുടെ സുഗമമായ പ്രവര്ത്തനത്തിനാവശ്യമായ പത്ത് കോടി രൂപ ദേശീയ ഗ്രാമീണാരോഗ്യമിഷന് അനുവദിച്ചു. ആശുപത്രിയിലെ ജീവനക്കാരുടെ കുറവ് പരിഹരിക്കാന് തീരുമാനമായി. ഡോക്ടര്മാര്, നഴ്സുമാര് തുടങ്ങി വിവിധ തസ്തികകള് പുതുതായി സൃഷ്ടിക്കും. ഇതിന് ആരോഗ്യ വകുപ്പ് സെക്രട്ടറിയെ ചുമതലപ്പെടുത്തി. കുതിരവട്ടം മാനസികാരോഗ്യ കേന്ദ്രത്തിന് 10 കോടിയുടെ ഭരണാനുതിയായി. കേന്ദ്രത്തിന്റെ നവീകരണ പ്രവര്ത്തനങ്ങള് 2016 ഫെബ്രുവരിയില് ആരംഭിക്കും. മുപ്പത് കോടി രൂപയുടേതാണ് നവീകരണ പദ്ധതി. ആദ്യ ഗഡുവായി 10 കോടി രൂപയുടെ ഭരണാനുമതി ഉടനെ നല്കും. ഈ തുക ആശുപത്രി വികസന സമിതിയെ ഏല്പ്പിക്കും. ബാക്കി 20 കോടി രൂപ വിവിധ സാമൂഹ്യ-സന്നദ്ധ സംഘടനകളില് നിന്ന് സ്വരൂപിക്കും. മന്ത്രി ഡോ. എം.കെ. മുനീര് ആരോഗ്യവകുപ്പ് മന്ത്രി വി. എസ് ശിവകുമാര് എന്നിവരുടെ സാന്നിദ്ധ്യത്തില് തിരുവനന്തപുരത്ത് ചേര്ന്ന യോഗത്തിന്റെതാണ് തീരുമാനം. ആശുപത്രി വികസന സമിതിയുടെ ചുമതലയില് പ്രത്യേക സമിതി രൂപീകരിച്ചായിരിക്കും നവീകരണ പ്രവര്ത്തനങ്ങള് നടത്തുക. പുതിയ തസ്തികകള് സൃഷ്ടിക്കുന്നതിന് ആശുപത്രി സൂപ്രണ്ട് സമര്പ്പിച്ച ശുപാര്ശയില് നടപടി സ്വീകരിക്കുവാന് ആരോഗ്യവകുപ്പ് ഡയറക്ടറെ ചുമതലപ്പെടുത്തി.
ആരോഗ്യ വകുപ്പ് സെക്രട്ടറി ഡോ. കെ. ഇളങ്കോവന്, ഡയറക്ടര് ഡോ. രമേഷ് തുടങ്ങിയവര് യോഗത്തില് സംബന്ധിച്ചു.
