കൊച്ചി: അമൃത സ്കൂള് ഓഫ് ബിസിനസിന്റെ ആഭിമുഖ്യത്തില് ‘അസ്ത്ര’ അന്താരാഷ്ട്ര നേതൃ സംഗമത്തിന്റെ ഉദ്ഘാടനം 22നു വെള്ളിയാഴ്ച രാവിലെ 9 ന് അമൃത ആശുപത്രിയിലെ അമൃതേശ്വരി ഹാളില് നിര്വഹിക്കും.
സമ്മേളനത്തിന്റെ ഉല്ഘാടനം ടി.എം മനോഹരന് ഭദ്രദീപം കൊളുത്തി നിര്വ്വഹിക്കും. മാതാ അമൃതാനന്ദമയി മഠം ജനറല് സെക്രട്ടറിസ്വാമി പൂര്ണാമ്യതാനന്ദ പുരി അനുഗ്രഹപ്രഭാഷണം നടത്തും. മെഡിക്കല് ഡയറക്ടര് ഡോ:പ്രേംനായര്, അമൃത സ്കൂള് ഓഫ് ബിസിനസ് പ്രിന്സിപ്പല് പ്രൊഫ. സുനന്ദ മുരളീധരന് എന്നിവര് ചടങ്ങില് സംസാരിക്കും.
ബിസിനസ് ഫെസ്റ്റിനോടനുബന്ധിച്ചു സതീഷ്കുമാര് പൈ (സീനിയര് മാനേജര്, കൊച്ചിന് ഇന്റര്നാഷണല് എയര്പോര്ട്ട്), ഡോ:നിഖില് പി.ജി (സീനിയര് റിസര്ച്ച് സയന്റിസ്റ്റ് നാഷണല് ഇന്സ്റ്റിറ്റിയൂട്ട് ഓഫ് സോളാര് എനര്ജി), ഡോ:സുരേഷ്കുമാര് എം (അഡീഷണല് ഡയറക്ടര്, പെട്രോളിയം കണ് സര്വേഷന് റിസര്ച്ച് അസോസിയേഷന്, പെട്രോളിയം പ്രക്യതിവാതക മന്ത്രാലയം), ഡോ:റാല്ഫ് എം കെനല്(ജര്മനി), പ്രൊഫ. ഫോബ് (സയന്റിഫിക് ഡയറക്ടര്), ശാന്തികുമാര് നായര് (ഡീന് റിസര്ച്ച് ഡയറക്ടര് അമൃത സെന്റര് ഫോര് നാനോ സയന്സ് ആന്റ് മോളിക്യുലര് മെഡിസിന്) എന്നിവര് വിവിധ പ്രബന്ധങ്ങള് അവതരിപ്പിക്കും.
‘സുസ്ഥിരഭാവിയ്ക്കു ഹരിത എനര്ജി’ എന്ന വിഷയത്തെ ആസ്പദമാക്കിയാണ് സമ്മേളനം. ഹരിത എനര്ജിയെക്കുറിച്ചുള്ള പ്രസക്തി സമ്മേളനത്തില് അവതരിപ്പിക്കും.
ഇന്ത്യന് സ്പേസ് റിസര്ച്ച് ഓര്ഗനൈസേഷന്, എനര്ജി മാനേജ്മെന്റ് സെന്റര്, കേരള സ്റ്റേറ്റ് ഇന്ഡസ്ട്രിയല് ഡവലപ്മെന്റ് കോര്പ്പറേഷന്, ഇന്റര്നാഷണല് സെന്റര് ഫോര് റിസര്ച്ച് ഓണ് ദി എന്വയേണ്മെന്റ് ആന്റ് ദി എക്കോണമി, കേരള ചാംബര് ഓഫ് കൊമേഴ്സ് ആന്റ് ഇന്ഡസ്ട്രി, ഇന്തോഅമേരിക്കന് ചാംബര് ഓഫ് കൊമേഴ്സ് എന്നീ വിഭാഗങ്ങള് സംയുക്തമായാണ് സമ്മേളനം നടത്തുന്നത്
