കണ്ണൂര്: ഉത്തര കേരളത്തിലെ പ്രമുഖ കലാലയമായ മട്ടന്നൂര് പഴശ്ശിരാജ കോളേജില് നടന്നുവരുന്ന രാഷ്ട്രീയ ഇടപെടലുകളും അക്രമ സമരങ്ങളും അവസാനിപ്പിച്ച് സുഗമമായ അധ്യയനത്തിന് സാഹചര്യമൊരുക്കണമെന്ന് കേരള പ്രിന്സിപ്പല്സ് കൗണ്സില് ആവശ്യപ്പെട്ടു. മതിയായ ഹാജരില്ലാത്തതിനാല് പരീക്ഷയെഴുതാന് അര്ഹത നേടാത്ത വിദ്യാര്ത്ഥ#ികളെ പരീക്ഷക്കിരുത്തണമെന്നാവശ്യപ്പെട്ട് അതിക്രമങ്ങള് നടത്തുകയും കോളേജിനെ അപകീര്ത്തിപ്പെടുത്തുകയും ചെയ്തതിന് സസ്പെന്റ് ചെയ്ത വിദ്യാര്ത്ഥികളുടെ സമരം ഒരുതരത്തിലും നീതീകരിക്കാവുന്നതല്ല. ഹൈക്കോടതി വിലക്ക് ലംഘിച്ച് സമരം നടത്തുകയും വിദ്യാര്ത്ഥികളെ ക്ലാസുകളില് നിന്ന് ഇറക്കിവിടുകയും ചെയ്യുന്നതില് ഹൈക്കോടതിയിലും മനുഷ്യാവകാശ കമ്മീഷനും ഇടപെടണമെന്നും പ്രിന്സിപ്പലിനെ ഓഫീസില് കയറി കയ്യേറ്റം ചെയ്യാന് ശ്രമിക്കുകയും വധഭീഷണി മുഴക്കുകയും ചെയ്തവര്ക്കെതിരെ പോലീസ് കേസ് രജിസ്റ്റര് ചെയ്യണമെന്നും പ്രിന്സിപ്പലിന് പോലീസ് സംരക്ഷണം ഏര്പ്പെടുത്തണമെന്നും പ്രിന്സിപ്പല്സ് കൗണ്സില് ആവശ്യപ്പെട്ടു. ഭൂരിഭാഗവും പാവപ്പെട്ട വിദ്യാര്ത്ഥികള് പഠിക്കുന്ന മട്ടന്നൂര് കോളേജില് നടക്കുന്ന അതിക്രമങ്ങള് നിയമപരമായി നേരിടുമെന്ന് പ്രിന്സിപ്പല്സ് കൗണ്സില് സംസ്ഥാന പ്രസിഡണ്ട് ഡോ.എം.ഉസ്മാന്, ജനറല് സെക്രട്ടറി ഡോ.ടി.എം.ജോസഫ്, കണ്ണൂര് റീജിയന് ഭാരവാഹികളായ ഡോ.ജോസ്ലെറ്റ് മാത്യു. ഡോ.മുസാഫര് അഹമ്മദ് എന്നിവര് അറിയിച്ചു.
മട്ടന്നൂര് കോളേജിലെ രാഷ്ട്രീയ ഇടപെടലും അക്രമ സമരവും അവസാനിപ്പിക്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.