കണ്ണൂര്‍: ഗന്ഥശാലാ സംഘം സംഘടിപ്പിക്കുന്ന മൂന്നാമത് ലൈബ്രറി പഠന കോണ്‍ഗ്രസ് സംഘാടക സമിതിയായി. ഫിബ്രവരി 6,7 തീയ്യതകളില്‍ കണ്ണൂര്‍ മുന്‍സിപ്പല്‍ സ്‌കൂളിലാണ് പഠന കോണ്‍ഗ്രസ്. സംസ്ഥനത്തിനകത്തും പുറത്തുമുള്ള ആയിരത്തോളം ഗ്രന്ഥശാലാ പ്രവര്‍ത്തകരും സാംസ്‌കരിക പ്രവര്‍ത്തകരും പഠന കോണ്‍ഗ്രസില്‍ പങ്കെടുക്കും. ഭാവിയിലെ ഗ്രന്ഥശാലകളും സാംസ്‌കാരിക സ്ഥാപനങ്ങളുടെയും പ്രവര്‍ത്തനം ഏത് രീതിയിലായിരിക്കണമെന്നുള്ള വിശദമായ ചര്‍ച്ചയും സംവാദവും പരിപാടിയില്‍ നടക്കും. വായനാസംസ്‌കാരം മാറുന്ന ലോകം, വികസനം ജനാധിപത്യം ജനമുന്നേറ്റം, ഗ്രന്ഥശാലാ സംഘം പിന്നിട്ട വഴികള്‍, വടക്കേ മലബാറിന്റെ സാഹിത്യ സംസ്‌കാരം എഴുത്ത് വഴി, മാധ്യമം മാസിക പുസ്തക പ്രസാധനം എന്നീ പ്രധാന സിമ്പോസിയങ്ങളില്‍ 15 പ്രബന്ധങ്ങളും എട്ട് ഗ്രൂപ്പ് സെഷനില്‍ 25 പ്രബന്ധങ്ങളും അവതരിപ്പിക്കും.
ജില്ലാ ലൈബ്രറി ഹാളില്‍ നടന്ന സംഘാടക സമിതി രൂപീകരണ യോഗം ജില്ലാ പഞ്ചായത്ത് വൈസ് പ്രസിഡന്റ് പി.പി.ദിവ്യ ഉദ്ഘാടനം ചെയ്തു. ലൈബ്രറി കൗണ്‍സില്‍ ജില്ലാ പ്രസിഡന്റ് കവിയൂര്‍ രാജഗോപാലന്‍ അധ്യക്ഷത വഹിച്ചു. ജില്ലാ സെക്രട്ടറി പി.കെ.ബൈജു പ്രവര്‍ത്തനരേഖ അവതരിപ്പിച്ചു. ഡോ.എ.കെ. നമ്പ്യാര്‍, ഒ.എം.ശങ്കരന്‍, കെ.പി.സുധാകരന്‍, നാരായണന്‍ കാവുമ്പായി, പി.വി. രത്‌നാകരന്‍, ഇ.പി.ആര്‍ വേശാല, വിജയകുമാര്‍ ബ്ലാത്തൂര്‍, എം.മോഹനന്‍ എന്നിവര്‍ സംസാരിച്ചു.
