അടിമാലി: നാടിന്റെ അഭിമാനമായ ഒളിമ്പ്യന് കെ.എം.ബീനാ മോളുടെ പേരില് അനുവദിച്ച റോഡിന് ശാപമോക്ഷമില്ല. നിരവധി വര്ഷങ്ങള്ക്ക് മുമ്പ് പണിക്കന്കുടിയില് നിന്നും ബീനാമോളുടെ ഗ്രാമമായ കൊമ്പൊടിഞ്ഞാല് , കൊന്നത്തടി വഴി പൊന്മുടി ഡാം ടോപ്പിലേക്ക് നിര്മ്മിച്ച റോഡിനാണ് ഈ ദുര്ഗതി. പൊന്മുടി ഡാമിന് സമീപമുള്ള വനം വകുപ്പിന്റെ തേക്കിന് പ്ലാന്റേഷനിലൂടെയുള്ള 1.67 കിലോമീറ്റര് മാത്രം വരുന്ന ഭാഗമാണ് തകര്ന്ന് തരിപ്പണമായി കിടക്കുന്നത്. ഇവിടെ സോളിംങ് ജോലികള് വരെ പൂര്ത്തിയായെങ്കിലും തുടര്ന്നുള്ള ടാറിംങ് ജോലികള് നടത്തിയില്ല. ഡാമിനോട് ചേര്ന്ന് കിടക്കുന്ന വളവ് തിരിവുകളും കുത്തിറക്കവുമുള്ള ഈ ഭാഗത്ത് സോളിംങ് പൊളിഞ്ഞ് ചിതറി കിടക്കുന്നതു മൂലം ബൈക്ക് ഉള്പ്പെടെയുള്ള ചെറു വാഹനങ്ങള് അപകടത്തില് പെടുന്നത് നിത്യ സംഭവമായിട്ടുണ്ട്. വനം വകുപ്പിന്റെ ഭാഗത്തു നിന്നുള്ള സാങ്കേതിക തടസ്സങ്ങള് നീക്കി തുടര്ജോലികള് കരകാറുകാരനെ ഏല്പ്പിച്ചുവെന്ന് കഴിഞ്ഞ ലോക് സഭാ ഇലക്ഷന് മുമ്പ് എം.പി.യോഗം വിളിച്ച് ചേര്ത്ത് പ്രഖ്യാപനം നടത്തിയെങ്കിലും ജോലികള് പുനരാരംഭിച്ചില്ലെന്നു മാത്രമല്ല റോഡിന്റെ സ്ഥിതി പരിതാപകരമാവുകയും ചെയ്തു. പുതിയതായി തിരഞ്ഞെടുക്കപ്പെട്ട എം.പി.യും പ്രശ്നം പരിഹരിക്കുന്നതിന് ഇതുവരെ താല്പ്പര്യം കാണിച്ചിട്ടില്ല.
ഈ റോഡിന്റെ പേരില് ഒളിമ്പ്യന് ബീനാമോളെ അപമാനിക്കല്ലേ…
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.