തലശ്ശേരി: കതിരൂര്‍ ടാലന്റ് ഹണ്ട് സമഗ്ര കായിക പരിശീലന പദ്ധതി മൂന്നാം വയസ്സിലേക്ക് കടക്കുകയാണെന്ന് സംഘാടകര്‍ പത്രസമ്മേളനത്തില്‍ പറഞ്ഞു. 2014 ജനുവരി 26ന് ആരംഭിച്ച ഈ പദ്ധതിയിലൂടെ പരിശീലനം നേടിയ കുട്ടികള്‍ സബ് ജില്ലാ സ്‌കൂള്‍ സ്‌പോര്‍ട്‌സിലും ജില്ലാ സ്‌പോര്‍ട്‌സിലും ജില്ലാ-സംസ്ഥാന അമേച്വര്‍ മീറ്റിലും മറ്റു വിവിധ മത്സരങ്ങളിലും നിര്‍ണ്ണായക ശക്തിയായി വളരാന്‍ കഴിഞ്ഞിരിക്കുന്നു. തല്‍ഫലമായി ജില്ലാ കലക്ടറുടെയും ജില്ലാ പഞ്ചായത്ത് പ്രസിഡണ്ടിന്റെയും പ്രശംസ പിടിച്ചു പറ്റാനും ഇവിടെ നിന്നും പരിശീലനം ലഭിച്ച താരങ്ങള്‍ക്ക് കഴിഞ്ഞു. മൂന്നാം വയസ്സിലേക്ക് കടക്കുന്ന ഈ സമയത്ത് ഇതിന്റെ പ്രവര്‍ത്തനം കതിരൂര്‍ മാത്രമല്ല സമീപ ഗ്രാമപഞ്ചായത്തിലെ കുട്ടികള്‍ക്ക് കൂടി ഉപകാരപ്രദമാക്കാനാണ് തീരുമാനിച്ചിട്ടുള്ളത്. അതിനാല്‍ അഞ്ചാം ക്ലാസു മുതല്‍ പ്ലസ് ടുവരെയുള്ള മറ്റ് പ്രദേശങ്ങളിലെ കുട്ടികള്‍ക്കും പരിശീലനം നല്‍കുന്നതാണ്. താല്‍പര്യമുളള വിദ്യാര്‍ത്ഥികള്‍ 17ന് രാവിലെ 8മണിക്ക് രക്ഷിതാക്കളോടൊപ്പം കതിരൂര്‍ ഇഎംഎസ് സ്മാരക ഗ്രൗണ്ടില്‍ എത്തിച്ചേരേണ്ടതാണ്. കൂടുതല്‍ വിവരങ്ങള്‍ക്ക് 9446056912, 9744055062 എന്നീ നമ്പറുകളില്‍ ബന്ധപ്പെടുക. പത്രസമ്മേളനത്തില്‍ ചെയര്‍മാന്‍ കെ.വി.പവിത്രന്‍, വൈസ് ചെയര്‍മാന്‍ ശ്രീജിത്ത് ചോയന്‍, പരിശീലകരായ ജി.രവീന്ദ്രന്‍ മാസ്റ്റര്‍, കെ.രാഘവന്‍, സി.വി.പ്രദീപന്‍ എന്നിവര്‍ പങ്കെടുത്തു.
ടാലന്റ് ഹണ്ട് 3-ാം വയസ്സിലേക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.