തിരുവനന്തപുരം: സ്വകാര്യ ഭൂമി തട്ടിയെടുക്കാന് ഭൂമാഫിയയ്ക്കുവേണ്ടി വില്ലേജ് ഓഫീസര് മരണരേഖ ചമച്ചു. സ്വന്തം മരണ സര്ട്ടിഫിക്കറ്റ് കണ്ട് പരേതന് ഞെട്ടി. കല്ലിയൂര് വെള്ളായണി കുണ്ടറത്തല വീട്ടില് ഡോ. എന്. കൃഷ്ണന്കുട്ടി നായര് (78) ആണ് ജീവിച്ചിരിപ്പില്ലെന്ന് കല്ലിയൂര് വില്ലേജ് ഓഫീസര് സര്ട്ടിഫിക്കറ്റ് നല്കിയത്.
ഡോ എന്. കൃഷ്ണന്കുട്ടിനായര്ക്ക് 87 വര്ഷംമുന്പ്എം ഇ 1104 നമ്പര് ഭാഗപത്രപ്രകാരം ലഭിച്ച പാലപ്പൂര് കാവ് ഭഗവതിക്ഷേത്രം വക 1-94 ഏക്കര്ഭൂമി ഭൂമാഫിയയ്ക്ക് കള്ള ആധാരം നടത്തി സ്വന്തമാക്കുവാന് വില്ലേജ് ഓഫീസര് ക്ഷേത്ര അനന്തരവകാശി ജീവിച്ചിരിപ്പില്ലെന്ന് സര്ട്ടിഫിക്കറ്റ് നല്കുകയായിരുന്നു. കല്ലിയൂര് വില്ലേജ് ഓഫീസര്ക്ക് പുറമെ തഹസില്ദാര്, തിരുവല്ലം പോലീസ് സ്റ്റേഷനിലെ ചില പോലീസുകാര് എന്നിവരും ക്ഷേത്രഭൂമി തട്ടിയെടുക്കാന് ശ്രമിച്ചവര്ക്ക് കൂട്ടുനിന്നതായി സൂചനയുണ്ട്. ക്ഷേത്ര വിശ്വാസികളെയും പൊതുജനങ്ങളെയും ഇങ്ങനെ വ്യാജമായി ഉണ്ടാക്കിയ രേഖകള് കാണിച്ച് ക്ഷേത്രം തങ്ങളുടേതെന്ന് തെറ്റിദ്ധരിപ്പിക്കുകയായിരുന്നു സംഘം. കോണ്ഗ്രസ്-കമ്മ്യൂണിസ്റ്റ് കൂട്ടുകെട്ട് കഴിഞ്ഞമാസം 25ന് ഗുണ്ടാസംഘത്തിനൊപ്പം ചേര്ന്ന് ക്ഷേത്രം പിടിച്ചടക്കാന് ശ്രമം നടത്തി. ക്ഷേത്രത്തില് അതിക്രമിച്ചുകടന്ന് ഇവര് നടത്തിയ അക്രമത്തില് ക്ഷേത്ര ട്രസ്റ്റി കൃഷ്ണന്കുട്ടിനായര്ക്ക് ഗുരുതരമായി പരിക്കേറ്റു. മുഖ്യമന്ത്രി, ദേവസ്വം മന്ത്രി എന്നിവരുടെ ഓഫീസില്നിന്ന് നടത്തിയ വഴിവിട്ട ഇടപെടലിനെതുടര്ന്ന് അക്രമികള്ക്കെതിരെ കേസെടുക്കാന്പോലും പോലീസ് തയ്യാറായില്ല.
നെയ്യാറ്റിന്കര കോടതിയില് സ്വകാര്യ അന്യായം ഫയല് ചെയ്ത് കൃഷ്ണന്കുട്ടിനായര്ക്ക് അനുകൂലമായി ഉത്തരവുണ്ടായി. കേസ് എടുത്ത് അനേ്വഷണം നടത്താന് പോലീസിന് കോടതി നിര്ദ്ദേശം നല്കി. മുന്പ് നടന്ന കേസുകള് ഭൂമാഫിയയ്ക്ക് അനുകൂലമായി റഫര് ചെയ്യാന് പോലീസ് നടപടിയെടുത്തത് ചോദ്യം ചെയ്തെന്ന് കൃഷ്ണന്കുട്ടി നായര് ഹൈക്കോടതിയെ സമീപിച്ചു.
ക്ഷേത്രട്രസ്റ്റിയായ കൃഷ്ണന്കുട്ടി നായര്ക്ക് ക്ഷേത്രവും ഭൂമിയും സംരക്ഷിക്കാന് നവംബര് 20ന് കോടതി ഉത്തരവ് നല്കി. ഈ ഉത്തരവ് നിലനില്ക്കെയാണ് കഴിഞ്ഞമാസം 25ന് ക്ഷേത്രം പിടിച്ചടക്കാന് ശ്രമം നടന്നത്.
ഭൂമാഫിയയുടെ രാഷ്ട്രീയ സ്വാധീനം നിമിത്തം കളക്ടര് ഉള്പ്പടെയുള്ളവര് കൃഷ്ണന്കുട്ടി നായര്ക്ക് നീതി നിഷേധിച്ചു. തുടര്ന്ന് കോടതി അലക്ഷ്യത്തിന് ക്ഷേത്രട്രസ്റ്റി വക്കീല് നോട്ടീസ് നല്കിയിരിക്കുകയാണ്. മരിച്ചയാളിന് സര്ട്ടിഫിക്കറ്റ് നല്കാന് ആയിരം തെളിവുകള് ചോദിക്കുന്ന വില്ലേജ് അധികൃതര് ജീവിച്ചിരിക്കുന്ന തനിക്ക് മരണസര്ട്ടിഫിക്കറ്റ് നല്കിയതില് അതിശയിച്ചിരിക്കുകയാണ് കൃഷ്ണന്കുട്ടിനായര്.
