മട്ടന്നൂര്: ട്രാഫിക് നിയമം പാലിക്കുന്നവര്ക്ക് സമ്മാനം. പാലിക്കാത്തവര്ക്ക് പിഴയിടാതെ ബോധവല്ക്കരണം. പഴശ്ശി ജൂനിയര് ചേമ്പര്, ജനമൈത്രി പൊലീസ്, ചാവശേരി ജിഎച്ച്എസ്എസ് സ്റ്റുഡന്റ് പൊലീസ് എന്നിവ ചാവശേരിയില് നടത്തിയ ട്രാഫിക് ബോധവല്ക്കരണ പരിപാടിയാണ് ഡ്രൈവര്മാര്ക്ക് വേറിട്ട അനുഭവമായത്. ചാവശേരി ഗവ. ഹയര്സെക്കന്ഡറി സ്കൂളിന് സമീപമാണ് സ്റ്റുഡന്റ് പൊലീസ് കേഡറ്റുകളുടെ നേതൃത്വത്തില് വാഹനപരിശോധന നടത്തിയത്. വാഹനങ്ങളുടെ രേഖകള്, ലൈസന്സ്, സീറ്റ് ബെല്റ്റ്, ഹെല്മറ്റ് എന്നിവയാണ് പരിശോധിച്ചത്. ട്രാഫിക് നിയമങ്ങള് കൃത്യമായി പാലിച്ചവര്ക്ക് സമ്മാനങ്ങള് നല്കി. നിയമം തെറ്റിച്ചെത്തിയവര്ക്ക് പിഴശിക്ഷ ഒഴിവാക്കി ട്രാഫിക് നിയമങ്ങള് പാലിക്കേണ്ടതിനെക്കുറിച്ച് ബോധവല്ക്കരണം നല്കുകയും ലഘുലേഖ വിതരണം ചെയ്യുകയും ചെയ്തു. സിഐ ടി.ഉത്തംദാസ് ഉദ്ഘാടനം ചെയ്തു. ജൂനിയര്ചേമ്പര് പ്രസിഡന്റ് ഇ.വി.ഷനില്, സെക്രട്ടറി കെ.പി.ഷിബു, ജനമൈത്രി പൊലീസ് എസ്ഐ രാഘവന് വയലേരി, സ്റ്റുഡന്റ് പൊലീസ് ഓഫീസര് ജി.ശ്രീകുമാര് എന്നിവര് സംസാരിച്ചു.
ട്രാഫിക് നിയമം പാലിക്കുന്നവര്ക്ക് സമ്മാനം: പാലിക്കാത്തവര്ക്ക് പിഴയിടാതെ ബോധവല്ക്കരണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.