ആലപ്പുഴ: പോലീസ് നിര്മ്മിച്ച ഹ്രസ്വ സിനിമാ പ്രദര്ശനവും, ഷീ ഓട്ടോ (നിര്ഭയ സവാരി) ഡ്രൈവര്മാര്ക്കുള്ള പരിശീലന ക്ലാസ്സും, പാരിതോഷിക വിതരണവും ജില്ലാ പോലീസ് മേധാവി വി. സുരേഷ്കുമാര് ഉദ്ഘാടനം ചെയ്തു. ഗതാഗത നിയമങ്ങള് പാലിക്കുന്നത് സംബന്ധിച്ച് ബോധവത്കരണ സന്ദേശം പകരുന്നതിനായി ആലപ്പുഴ ജില്ലാ പോലീസ് നിര്മ്മിച്ച ‘സെക്ഷന് 129 ഓഫ് എംവി ആക്ട്’ എന്ന ഹ്രസ്വസിനിമയാണ് പ്രദര്ശിപ്പിച്ചത്. ആലപ്പുഴ ഡെപ്യൂട്ടി പോലീസ് സൂപ്രണ്ട് കെ. ലാല്ജി അദ്ധ്യക്ഷത വഹിച്ചു.
ഹ്രസ്വസിനിമയുടെ സംവിധായകനും, പ്രധാന നടനുമായ ആലപ്പുഴ ടെലികമ്മ്യൂണിക്കേഷനിലെ പോലീസ് ഉദ്യോഗസ്ഥന് വിനോദ്കുമാറിനെ ജില്ലാ പോലീസ് മേധാവി അനുമോദിച്ചു. സ്ത്രീകള്ക്ക് സുരക്ഷിതമായും, നിര്ഭയമായും ഓട്ടോറിക്ഷകളില് സഞ്ചരിക്കുന്നതിന് വേണ്ടി നഗര പ്രദേശത്ത് സവാരി നടത്തുന്ന ഓട്ടോറിക്ഷാ ഡ്രൈവര്മാരെ ഉള്പ്പെടുത്തി ആലപ്പുഴ പോലീസ് സബ്ബ് ഡിവിഷനില് നടപ്പിലാക്കിയ ‘നിര്ഭയ സവാരി എന്ന സ്ത്രീ സൗഹൃദ ഓട്ടോ’ എന്ന സംവിധാനം വിജയകരമായതിന്റെ സൂചകമായി അംഗങ്ങളായ ഓട്ടോറിക്ഷാ ഡ്രൈവര്മാര്ക്ക് പാരിതോഷിക വിതരണം നടത്തി.
ഷീ ഓട്ടോ (നിര്ഭയ സവാരി) സംവിധാനം ജില്ലയിലെ മറ്റ് പ്രദേശങ്ങളില് കൂടി ഉടന് നടപ്പിലാക്കുമെന്ന് ജില്ലാ പോലീസ് മേധാവി അറിയിച്ചു.
