പള്ളുരുത്തി: കൊച്ചിയെ കൊതുകുപട കടന്നാക്രമിക്കുന്നു. കൊച്ചി നഗരസഭാ പ്രദേശത്ത് കൊതുകുശല്യം രൂക്ഷമായിരിക്കുകയാണ്. സാധാരണക്കാരന്റെ സൈ്വര്യത നഷ്ടപ്പെടുത്തി കൊതുകു പെരുകിയിട്ടും നഗരഭരണ കര്ത്താക്കള് ഇതൊന്നു കണ്ട ഭാവം നടിക്കുന്നില്ല. പുലര്ച്ചെയും സായാഹ്നങ്ങളിലും കൊതുക് തകര്ത്താടുമ്പോള് സാധാരണജനം ഭീതിയിലാണ്.
വെള്ളംകെട്ടിക്കിടക്കുന്നകാനകള് വൃത്തിയാക്കാന് കൊച്ചിനഗരസഭയിലെ മുഴുവന് ഡിവിഷനുകളിലും രണ്ടുലക്ഷം രൂപവീതം നല്കിയെങ്കിലും പല ഡിവിഷനുകളിലും പ്രാരംഭ പ്രവര്ത്തനം പോലും ആയിട്ടില്ല. കടുത്ത പകര്ച്ചവ്യാധികള് ഉണ്ടാക്കുന്ന തരംകൊതുകുകള് കൊച്ചിയിലും പരിസരത്തും വ്യാപകമാണെന്ന് ആരോഗ്യരംഗത്തുള്ളവര് പോലും സമ്മതിക്കുന്നുണ്ടെങ്കിലും അധികൃതര്ക്ക് അതൊക്കെ ശ്രദ്ധിക്കാന് പോലുമാകുന്നില്ല.
നഗരസഭ ഭരണത്തില് കോണ്ഗ്രസ് നേതൃത്വത്തില് ഭരണത്തുടര്ച്ചയുണ്ടായെങ്കിലും നഗരസഭ ഭരണാധികാരികളിലും കൊതുകുപ്രശ്നത്തില് അവ്യക്തതയാണ്. പ്രായമായവരിലും കുഞ്ഞുങ്ങളിലുമാണ് കൊതുകുകള് അപകടകരമായ പകര്ച്ചവ്യാധി ഉണ്ടാക്കുന്നതെന്ന മുന്നറിയിപ്പുണ്ടെങ്കിലും കൊച്ചി നഗരസഭയുടെ നേതൃത്വത്തില് ഇതേപ്പറ്റിയുള്ള ബോധവത്കരണമോ, മുന്നറിയിപ്പോ, പ്രതിരോധസംവിധാനമോ ഒന്നും ആരംഭിച്ചിട്ടില്ലായെന്നതും ആശങ്കയുണര്ത്തുന്നു.
