കോഴിക്കോട്: സംസ്ഥാനത്താകമാനം നിരവധി മൊ ൈബല് ഷോപ്പുകളുടെ ഷട്ടറിന്റെ പൂട്ടുപൊട്ടിച്ച് മോഷണം നടത്തിയ കുട്ടികള്ളനെ ടൗണ് സിഐ ടി.കെ. അഷ്റഫും സിറ്റി ക്രൈംസ്ക്വാഡും ചേര്ന്ന് പിടികൂടി. രാമനാട്ടുകരയില് മോഷണത്തിനിടെ ദൃശ്യം ക്യാമറയില് പതിഞ്ഞതിനാല് മുംബൈ, ഗോവ എന്നിവിടങ്ങില് ഒളിവില് കഴിയുകയായിരുന്നു. നിരവധി മൊബൈല് ഫോണുകള് മാറിമാറി ഉപയോഗിക്കുന്നതിനാലും സ്വിച്ച് ഓഫാക്കി സിംകാര്ഡ് മാറ്റുന്നതിനാലും കുട്ടികള്ളനെ പിടികൂടാന് പ്രയാസമായിരുന്നു. കോഴിക്കോട് ഭാഗത്തേക്ക് വരുന്നുണ്ടെന്ന രഹസ്യവിവരത്തിന്റെ അടിസ്ഥാനത്തില് സിഐയും ക്രൈം സ്ക്വാഡ് സംഘവും കോഴിക്കോട് കേന്ദ്രീകരിച്ച് നടത്തിയ അന്വേഷണത്തില് ഇന്നലെ വൈകീട്ട് 3.30 ന് മൊയ്തീന് പള്ളി റോഡിലെ മസ്ജിദ് ബസാറിന് സമീപത്ത് വച്ച് പിടികൂടുകയായിരുന്നു. നിരവധി മൊബൈല് ഫോണുകളും, ക്യാമറ , ലാപ്ടോപ്പ് എന്നിവയും പോലീസ് കണ്ടെടുത്തു. പൂട്ടികിടക്കുന്ന കടകളുടെ ഷട്ടര് പൊളിച്ചും പൂട്ടുപൊട്ടിച്ചും മോഷണം നടത്തുന്നതാണ് രീതി. മോഷണം നടത്തിയ മൊബൈല് ഫോണുകള് തിരൂര് ഭാഗങ്ങളില് വിറ്റ് ബാംഗ്ലൂര്, മൈസൂര് മുംബൈ എന്നിവിടങ്ങളില് പോയി മദ്യവും മയക്കുമരുന്നും ഉപയോഗിച്ച് അഡംബര ജീവിതം നയിക്കുകയാണ് പതിവ്. പള്ളികളിസും ലോഡ്ജുകളിലും താമസിച്ച് പണവും, മൊബൈല് ഫോണും കളവും നടത്തുന്ന രീതിയുണ്ട്. എട്ടാം ക്ലാസില് പഠനം നിര്ത്തിയതിനുശേഷം പല സംസ്ഥാനത്തും കറങ്ങി നടന്ന് പല ഭാഷയും വശത്താക്കി. മൊബൈല് ഷോപ്പില് കളവു നടത്തിയ മൊബൈല് മറ്റൊരു മൊബൈല് ഷോപ്പില് വിറ്റ് വിറ്റകടയില്തന്നെ പൂട്ടുപൊട്ടിച്ച് കളവ് നടത്തുന്ന രീതിയാണ്. മുമ്പ് പരപ്പനങ്ങാടിയില് വീട്ടില് കയറി കളവു നടത്തിയതിനും, തിരൂരങ്ങാടി നടക്കാവ്, താമരശ്ശേരി എന്നിവിടങ്ങളില് ഷോപ്പ് പൊളിച്ചതിനും കാഞ്ഞങ്ങാട് ബൈക്ക് കേസും ഉണ്ട്. കോഴിക്കോട് മാവൂര് റോഡിലെ ഒരുട്രാവല്സിന്റെ ഷട്ടറിന്റെ പൂട്ടു പൊളിച്ച് പുതിമൂന്നുലക്ഷം രൂപ കളവ് നടത്തി പോലീസ് പിടിച്ച് ജൂലൈമാസം ജുവനൈല് ഹോമില് നിന്നും ഇറങ്ങിയതാണ്. അന്ന് കളവ് നടത്തിയ ശേഷം മുംബൈയിലേക്ക് പോയി. അവിടെ ലക്ഷ്വറി ലോഡ്ജില് താമസിച്ച് ആര്ഭാടജീവിതം നയിക്കുകയായിരുന്നു. കേരളത്തിലെ വലിയ ബിസിനസ്സുകാരന്റെ മകനാണെന്ന് പറഞ്ഞ് പല ലോഡ്ജ് മാനേജര്മാരെയും വശത്താക്കി. ഒരു ലോഡ്ജില് നിന്നും പണംകവര്ന്ന് വിമാനത്തില് കേരളത്തിലേക്ക് കടക്കുകയായിരുന്നു.
ക്രൈം സ്ക്വാഡ് അംഗങ്ങളായ എസ്ഐ കെപി സെയ്തലവി, സീനിയര് സിപിഒമാരായ ഒ മോഹന്ദാസ്. ടി.പി. ബിജു. സി.പി ഒ മാരായ കെ.ആര്.രാജേഷ്, അനീഷ് മൂസേന് വീട്, കെ.പി. ഷജുല് എന്നിവരും അന്വേഷണ സംഘത്തില് ഉണ്ടായിരുന്നു
