ചങ്ങനാശേരി: വിദേശി മലയാളി കുടുംബം അര്ദ്ധരാത്രിയില് റോഡില് കുടുങ്ങി. ശനിയാഴ്ച അര്ദ്ധരാത്രിയില് ളായിക്കാട് പാലത്തിന് സമീപത്ത് വച്ചാണ് ഇവര് സഞ്ചരിച്ച കാറിന്റെ ഒരു ടയര് പഞ്ചറായത്. ബുള്ളറ്റ് ക്ലബ്ബും ജനമൈത്രി പോലീസും നഗരത്തില് നൈറ്റ് പെട്രോളിംഗ് നടത്തുന്നതിനിടയില് ഇരുട്ടില് നിസ്സഹായാവസ്ഥയില് കാറിന് സമീപം നില്ക്കുന്ന വിദേശി മലയാളി കുടുംബത്തെ ശ്രദ്ധയില്പെട്ടത്. വെളുപ്പിനെ റാന്നിയില് നിന്ന് പുറപ്പെട്ട് എറണാകുളത്ത് ഷോപ്പിംഗ് കഴിഞ്ഞ് തിരിച്ചുവരുന്ന വഴി ആലപ്പുഴ ഭാഗത്ത് വച്ച് കാറിന്റെ ടയര് പഞ്ചറായി. ളായിക്കാട് ഭാഗത്തുവന്നപ്പോള് മാറ്റിയിട്ട സ്റ്റെപ്പിനി ടയറും പഞ്ചറായതോടെയാണ് ഭാര്യയും ഭര്ത്താവും മൂന്ന് പെണ്മക്കളും അടങ്ങുന്ന കുടുംബം യാതൊരു പരിചയവുമില്ലാത്ത സ്ഥലത്ത് അര്ദ്ധരാത്രിയില് റോഡില് കുടുങ്ങിയത്. ക്ലബ്ബ് അംഗങ്ങള് അര്ദ്ധരാത്രിയില് ടൗണില് അന്വേഷിച്ചെങ്കിലും ടാക്സി ഒന്നും ലഭിച്ചില്ല. പിന്നീട് പുഴവാത് ജോഷിയുടെ ടാക്സി വിളിച്ചുവരുത്തിയാണ് കുടുംബത്തെ റാന്നിയിലെത്തിച്ചത്. നൈറ്റ് പെട്രോളിംഗ് നഗരത്തില് ആരംഭിച്ചതോടെ മാലിന്യനിക്ഷേപവും മോഷണവും വളരെ കുറഞ്ഞതായി നഗരസഭാ അധ്യക്ഷന് സെബാസ്റ്റ്യന് മാത്യുമണമേല്, വൈസ് ചെയര്പേഴ്സണ് എല്സമ്മ ജോബ്, സി.ഐ വി.എ നിഷാദ്മോന്, പ്രൊഫ.എസ്.ആനന്ദക്കുട്ടന്, ജി.ലക്ഷ്മണന് എന്നിവര് അറിയിച്ചു. പെട്രോളിംഗില് ബുള്ളറ്റ് ക്ലബ്ബ് പ്രസിഡന്റ് സ്കറിയ ആന്റണി പറമ്പില്, ബിനോയ് ജോസഫ്, രാധാകൃഷ്ണന്, ബിനോയ് ചാക്കോ, സ്വാതി കൃഷ്ണന്, ജേക്കബ് ചക്കാലമുറിയില്, അമല് ഷേക്ക്, വിജയന് വി.സി, ജോബിന് പുതുപുരയ്ക്കല്, വി.എന് സുരേഷ് കുമാര്, സിവില് പോലീസ് ഓഫീസര് ജോഷി എം.ജെ, കലേഷ് എന്നിവര് പങ്കെടുത്തു
വിദേശി കുടുംബത്തിന് സഹായഹസ്തവുമായി ബുള്ളറ്റ് ക്ലബ്ബും ജനമൈത്രി പോലീസും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.