കാലടി: ഭാരതത്തിന്റെ പുണ്യനദിയായ ഗംഗയെ ശുചിയായി കാത്ത് സംരക്ഷിക്കേണ്ട സന്ദേശം ഒഡീസി നൃത്തത്തിലൂടെ ബെംഗളൂരുവിലെ സരിതാ മിശ്ര പകര്ന്ന് നല്കിയത് വ്യത്യസ്തമായ അനുഭൂതിയായി. ദേശീയ ശ്രീശങ്കര നൃത്ത സംഗീതോത്സവത്തിന്റെ മൂന്നാം ദിനം ഒഡീസി നൃത്തത്താല് ധന്യമായിരുന്നു. ഭഗീരഥന് തപസ്സ് ചെയ്ത് ശ്രീപരമേശ്വരന്റെ ജഡയിലൂടെ ഭൂമിയിലെത്തുന്നതും ആ പുണ്യനദിയുടെ ഇന്നത്തെ ശോച്യാവസ്ഥയും വളരെ സരിതാ മിശ്ര മനോഹരമായി ഒഡീസിയിലൂടെ അവതരിപ്പിച്ചു.
പുരി ജഗന്നാഥനെ സ്തുതിച്ചുക്കൊണ്ടുള്ള പുഷ്പാഞ്ജലിയോടെയാണ് സരിതാ മിശ്രയുടെ ഒഡീസി ആരംഭിച്ചത്. തുടര്ന്ന് ശില്പ ചാതുരിക്ക് പ്രാധാന്യം നല്കിക്കൊണ്ടുള്ള പല്ലവി രാഗശ്രീ ഏകതാളത്തില് അവതരിപ്പിച്ചു. നൃത്തത്തിന് ഏറെ പ്രാധാന്യമുള്ള പല്ലവിക്ക് ശേഷം ഭക്തനായ പ്രഹ്ളാദന്റെ കഥയാണ് അവതരിപ്പിച്ചത്. എല്ലാത്തിനുമുപരിയായി ഭക്തിയിലൂടെ എല്ലാം സാക്ഷാത്ക്കരിക്കാമെന്ന സന്ദേശം ഉദാഹരണസഹിതം അവതരിപ്പിച്ചു. കൗരവസഭയില് അവഹേളിക്കപ്പെടുന്ന ദ്രൗപതിയെ ശ്രീകൃഷ്ണന് രക്ഷിക്കുന്നതും ഗജേന്ദ്ര മോക്ഷവുമെല്ലാം ഭക്തിയുടെ പ്രധാന്യം എടുത്ത് കാട്ടുന്നതും ഏറെ ആനന്ദദായകവുമായിരുന്നു.
നര്ത്തകി എല്ലാം ദേവിക്ക് മുമ്പില് സമര്പ്പിച്ച് മോക്ഷം നേടുന്ന നാരായണീ സ്തുതിയോടെയാണ് ഒന്നരമണിക്കൂര് നീണ്ടുനിന്ന ഒഡീസിക്ക് സമാപനമായത്.
ഏകലവ്യ പുരസ്ക്കാരം, റീത്താ ബേബി പുരസ്ക്കാരം, പ്രതിഭാ ശ്രേഷ്ഠ, നൃത്ത പ്രതിഭ, നാട്യവേദ തുടങ്ങി നിരവധി അവാര്ഡുകള് സരിതാ മിശ്രക്ക് ലഭിച്ചിട്ടുണ്ട്. ഒഡീസിയിലെ പ്രമുഖ കലാകാരിയായ സരിതാ മിശ്ര ബെംഗളൂരുവില് ആദ്യക്ഷ നൃത്ത വിദ്യാലയത്തിലൂടെ നൂറ്കണക്കിന് വിദ്യാര്ത്ഥിനികള്ക്ക് ഒഡിസി നൃത്തം പ്രധാനം ചെയ്യുന്നു. വിചിത്രാനന്ദ് സൈ, യുധിഷ്ഠിര നായിക് എന്നിവരാണ് മിശ്രയുടെ ഗുരുക്കന്മാര്. ഗുരു കേളീചരണ് മാഹാപാത്ര ശൈലിയിലാണ് ഒഡീസി സരിതാ മിശ്ര അവതരിപ്പിക്കുന്നത്.
