കാലടി: തിരുവൈരാണിക്കുളം മഹാദേവക്ഷേത്രത്തിലെ മംഗല്ല്യ വരദായിനിയായ പാര്വ്വതി ദേവിക്ക് പുതിയ താലിക്കൂട്ടം സമര്പ്പിച്ചു. നടതുറപ്പു വേളയില് പാര്വ്വതി ദേവിയുടെ തിരുവാഭരണങ്ങളില് ശ്രേഷ്ഠമായ താലിക്കൂട്ടത്തിന് കാലപ്പഴക്കത്താല് കേടുപാടുകള് വന്നതിനാലാണ് പുതിയ താലിക്കൂട്ടം നിര്മ്മിച്ചത്. പഴയതിന്റെ മാതൃകയില് പണി തീര്ത്ത താലിക്കൂട്ടം ദേവിക്ക് ട്രസ്റ്റ് സമര്പ്പിച്ചു. 146 പവന് സ്വര്ണ്ണത്തില് തീര്ത്ത പുതിയ താലിക്കൂട്ടം എറണാകുളത്തെ അനുപമ ജ്വല്ലറിയാണ് നിര്മ്മിച്ചത്. ഏകദേശം 30 ലക്ഷം രൂപയാണ് ചെലവ്. ദേവിയുടെ ആഭരണങ്ങളില് ചെറുതാലിക്കൂട്ട കാശാലി, പൂത്താലി, മൂന്നിഴമണി, കഴുത്തില, കെട്ടരസ്, നാഗപടത്താലി, പാലക്ക് മുതലായവയാണ് തിരുമുഖത്തോടൊപ്പം ചാര്ത്തുന്നത്. ഒരു താലി എന്നാല് നടുക്ക് താലിയും രണ്ടു ഭാഗത്തും പടികളും, അഥവാ മണികളും അടങ്ങുന്നതാണ്. ഇങ്ങനെയുള്ള താലികള് ഏഴ് ഇഴകളിലായി തീര്ത്തതാണ് ചെറുതാലിക്കൂട്ടം.
ആഭരണങ്ങള് ദീര്ഘമംഗല്യസൗഭാഗ്യത്തിന് വേണ്ടി സുമംഗലികള് അണിയുന്നതാണ്. എന്നാല് ഏഴിഴത്താലി ദേവിക്ക് മാത്രം അര്ഹതപ്പെട്ടതാണ്. കഠിന തപസ്സിനാല് മഹാദേവന്റെ പത്നീപദം കരസ്ഥമാക്കിയ ശ്രീപാര്വ്വതീദേവി മംഗല്യ കഴിഞ്ഞ് ക്ഷിപ്ര പ്രസാദിനിയായി, അഭിഷ്ഠവരദായിനിയായി സര്വ്വാഭരണവിഭൂഷികയായി .
