നാദാപുരം: മയ്യഴിപ്പുഴയുടെ ഭാഗമായ മുടവന്തേരി ചെടിയാലക്കടവില്‍ പാലം നിര്‍മിക്കാന്‍ ഭരണാനുമതിയായി. ഇതിനായി ഒമ്പത് കോടി രൂപ അനുവദിച്ചു സര്‍ക്കാര്‍ ഉത്തരവായി.
തോട്ടുമുക്കിനും നിലവിലുള്ള തൂക്കു പാലത്തിനും മുകളിലായാണ് റ്റൂവേ ട്രാഫിക് സംവിധാനത്തോടെയുള്ള പാലം നിര്‍മ്മിക്കുന്നത്. അനുവദിച്ച ഒമ്പത് കോടി രൂപയില്‍ ഒരുകോടി പത്തു ലക്ഷം രൂപ സ്ഥലംഏറ്റെ ടുക്കുന്നതിനും പാലം നിര്‍മ്മാണംഅപ്രോച്ച് റോഡ്, പാര്‍ശ്വ ഭിത്തി നിര്‍മ്മാണം എന്നിവയ്‌ക്കാണ് വിനിയോഗിക്കുക.ഇത് കൂടാതെ ഉമ്മത്തൂര്‍ പിഡബ്ലു ഡി റോഡ് ജങ്ക്ഷനില്‍ നിന്നും കടവിലേക്ക് വരുന്ന പഞ്ചായത്ത് റോഡ് ഒരു കോടി ചെലവില്‍ എട്ടു മീറ്റര്‍ വീതിയില്‍വികസിപ്പിച്ചു ഗതാഗത യോഗ്യമാക്കുകയും ചെയ്യും.പിജെ ജോസഫ് പൊതുമരാമത്ത് മന്ത്രിയായിരിക്കെയാണ് 2009 ലാണ് പാലം പ്രാരംഭ നടപടികള്‍ ആരംഭിക്കുന്നത് .നിര്ദ്ദിഷ്ട പാലത്തിന് 67 മീറ്റര്‍ നീളമുള്ളതില്‍ 8.40 മീറ്റര്‍ വീതിയും ഉണ്ടായിരിക്കും. പാറക്കടവ് നിന്നും കണ്ണൂര് ജില്ലയിലെ കടവത്തൂരില്‍ എത്താനുള്ള ദൂരം എട്ടു കിലോ മീറ്ററാണ് . എന്നാല്‍ പാലം യാഥാര്‍ത്ഥ്യമാകുന്നതോടെ ഈ ദൂരംരണ്ടര കിലോ മീറ്ററായി കുറയും. കൂടാതെ കണ്ണൂര് എയര്‍പോര്‍ട്ട് , അരീക്കരക്കുന്നു ബി എസ് എഫ് കേന്ദ്രം എന്നിവിടങ്ങളിലേക്ക് നിലവിലെ സംസ്ഥാന പാതയില്‍ നിന്നും പാലം വഴി എളുപ്പത്തില്‍ എത്തിച്ചേരാന്‍ കഴിയും .ഗതാഗത സൗകര്യത്തിന്റെ അപര്യാപ്തത മൂലം അവികസിതമായി കിടക്കുന്ന മുടവന്തേരി പ്രദേശത്തിന്റെ വികസനത്തിനും ഉമ്മത്തൂരിലെ വിവിധ വിദ്യാഭ്യാസ സ്ഥാപ നങ്ങളില്‍ എത്തിച്ചേരാന്‍ തൂക്കു പാലത്തെ ആശ്രയിക്കുന്ന വിദ്യാര്‍ഥി കള്‍ക്കും നാട്ടുകാര്‍ക്കും പാലം വരുന്നത് ഏറെ ആശ്വാസ കരമായിരിക്കും.
