കൊച്ചി: എറണാകുളം ഗ്രാമജനസമൂഹത്തില് നടത്തിവരുന്ന അതിരുദ്രമഹായജ്ഞത്തോടനുബന്ധിച്ചുള്ള മഹാന്യാസപൂര്വ്വകമായ ശ്രീരുദ്ര ജപം ഇന്ന് രാവിലെ 4.30ന് ആരംഭിക്കും. ഇതിനായി ഭാരതത്തിലെ വിവിധസ്ഥലങ്ങളില് നിന്നുമുള്ള 300 ഓളം വൈദികര് എത്തിയിട്ടുണ്ട്. വ്യാഴാഴ്ച വൈകുന്നേരം വൈദികരെ പൂര്കുംഭത്തിന്റെയും വേദഘോഷത്തിന്റെയും അകമ്പടിയോടുകൂടി ദര്ബാര് ഹാള് മൈതാനിയില് സ്വീകരിച്ച് ശിവക്ഷേത്രം, ഹനുമാന് കോവില്, സുബ്രഹ്മണ്യ സ്വാമിക്ഷേത്രം എന്നിവിടങ്ങളില് പ്രദക്ഷിണം വച്ച് അതിരുദ്രയജ്ഞശാലയില് എത്തുകയും തുടര്ന്ന് ആചാരവരണം മുതലായ ചടങ്ങുകള് നടക്കുകയും ചെയ്തു.
അതിരുദ്രത്തിനായി 22 കളങ്ങള് തിരിച്ച് അതില് കോലമിട്ട്, അരി, ഉഴുന്ന്, നെല്ല്, തുടങ്ങിയ ധാന്യങ്ങള് നിരത്തി അതില് മുകളില് 10 ചെറിയ കലശകുടവും നടുവിലായിഒരു വലിയ കുംഭകലശവും തയ്യാറാക്കിവച്ചു. ഇന്ന് രാവിലെ ഇതില് പുണ്യനദികളിലെ ജലംനിറച്ചു മഹാദേവനെ ശ്രീരുദ്രനെ ആവാഹിക്കുകയും ചെയ്യും.
ഇന്നും നാളെയും മഹാരുദ്രവീതവും ഞായറാഴ്ച 3 മഹാരുദ്രവും നടത്തുന്നതോടുകൂടി അതിരുദ്രമഹായജ്ഞം പൂര്ണ്ണമാകും. ദിവസേന 11 ദ്രവ്യങ്ങളോടുകൂടി ശിവലിംഗത്തില് അഭിഷേകവും നടക്കും. ദിവസേന വൈകുന്നേരം വിഷ്ണു സഹസ്രനാമജപം, ക്രമാര്ച്ചന എന്നിവയുമുണ്ടാകും.
