പത്തനാപുരം: പുലിയുടെ പല്ലും നഖവും വില്ക്കാന് ശ്രമിക്കുന്നതിനിടെ അഞ്ചംഗ സംഘത്തെ വനപാലകര് അറസ്റ്റു ചെയ്തു. ഇവരില് നിന്നും നാല് പല്ലും പതിനാല് നഖങ്ങളും വനപാലകര് കണ്ടെടുത്തു.
തട്ടത്തുമല പണയില്വീട്ടില് ബദറുദ്ദീന് (60), ഉറുകുന്ന് പുത്തന്പുരയില് റോയിജോസഫ് (40), അഞ്ചല് വടമണ് രമണിവിലാസത്തില് ഭുവനചന്ദ്രന് (49), കുരിയോട്ടുമല ചിത്ര ഭവനില് ചെപ്പണി എന്നു വിളിക്കുന്ന രാമചന്ദ്രന് (45), വെട്ടിത്തിട്ട അനുരാജ് ഭവനില് തോബിയാസ് (45) എന്നിവരാണ് പിടിയിലായത്. തിരുവനന്തപുരം ഇന്റലിജന്സിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പത്തനാപുരം ഫോറസ്റ്റ് സംഘം പ്രതികളെ പിടിച്ചത്.
പുനലൂര് തൂക്കുപാലത്തിന് സമീപം വച്ച് സംഘം ഇടപാടുകള് നടത്തുമ്പോഴാണ് പിടിലായത്. മൂന്നുലക്ഷം രൂപയ്ക്കാണ് കരാര് ഉറപ്പിച്ചത്. പുലിനഖം സൂക്ഷിച്ചിരുന്ന ഇരുചക്രവാഹനവും കസ്റ്റഡിയിലെടുത്തിട്ടുണ്ട്. പുനലൂര് ഡിഎഫ്ഒ കോശിജോണിനു മുന്നില് പ്രതികള് മൊഴി നല്കി. സംസ്ഥാന അതിര്ത്തിയായ പുളിയറ ഭാഗത്ത് കാട്ടില് ചത്തുകിടന്ന പുലിയുടെ പല്ലും നഖവുമാണ് സംഘം വില്ക്കാന് ശ്രമിച്ചതെന്ന് അന്വേഷണ സംഘം പറഞ്ഞു.
പ്രതികളെ കോടതിയില് ഹാജരാക്കി. പത്തനാപുരം റേഞ്ച് ഓഫീസര് പി.ജി.ചന്ദ്രന്പിള്ള, ഡെപ്യൂട്ടി റേഞ്ചര് രാജികുട്ടി, കെ.അഭിലാഷ്,മാത്യു എന്നിവര് പരിശോധനക്ക് നേതൃത്വം നല്കി.
