കൊച്ചി: ഋഷി വിഷന് 2015-16ന്റെ ഭാഗമായി ഒരു മാസത്തെ ആദ്ധ്യാത്മിക പരിപാടികള്ക്കായി കേരളം സന്ദര്ശിക്കുന്ന സംബോധ് ഫൗണ്ടേഷന് പരമാചാര്യന് സ്വാമി ബോധാനന്ദ സരസ്വതി വെള്ളിയാഴ്ച കൊച്ചിയിലെത്തും. വിവിധ പരിപാടികളില് പങ്കെടുക്കുന്നതിനായി 29 വരെ സ്വാമി കൊച്ചിയിലുണ്ടാകും.
വെള്ളിയാഴ്ച വൈകിട്ട് 6.30ന് ബിടിഎച്ചില് നടക്കുന്ന ‘മതമൈത്രി സന്ധ്യ’യില് സ്വാമി പങ്കെടുക്കും. 26ന് വൈകിട്ട് 6.30ന് എളമക്കര പുന്നയ്ക്കല് ഭഗവതി ക്ഷേത്രത്തിലും 27ന് രാവിലെ 10ന് ചോറ്റാനിക്കര ശ്രീ ബോധാനന്ദ ശ്രീവിദ്യാപീഠത്തിലും സ്വീകരണവും സത്സംഗവും നടക്കും. 27ന് വൈകിട്ട് 6ന് ടിഡിഎം ഹാളില് സ്വാമി ചിന്ദമയാനന്ദ ജന്മശതാബ്ദിയോടനുബന്ധിച്ച് നടക്കുന്ന അനുസ്മരണ പ്രഭാഷണത്തില് ബോധാനന്ദ സരസ്വതി സംസാരിക്കും. ജസ്റ്റിസ് എ.വി. രാമകൃഷ്ണപിള്ള ഉദ്ഘാടനം ചെയ്യും. കേരളത്തിലെ മൂന്ന് ചിന്മയ അനുസ്മരണങ്ങളില് ആദ്യത്തേതാണ് കൊച്ചിയില് നടക്കുന്നത്. 28ന് റോട്ടറി ക്ലബ്ബ് സംഘടിപ്പിക്കുന്ന പരിപാടിയില് സ്വാമി സംസാരിക്കും. 29ന് രാവിലെ 10ന് ബോധാനന്ദ ഇന്റര്നാഷണല് ഫൗണ്ടേഷന് ഫോര് ഇന്റര് റിലീജ്യസ് ഡയലോഗ് സംഘടിപ്പിക്കുന്ന ഇന്റര് സ്കൂള് ഡിബേറ്റ് കോമ്പറ്റീഷന് ഫൈനല് മത്സരം ഉദ്ഘാടനവും സമ്മാനദാനവും സ്വാമി നിര്വ്വഹിക്കും.
ബോധാനന്ദ ശ്രുതി സേവാ ട്രസ്റ്റ് നിരവധി സേവാപ്രവര്ത്തനങ്ങള് നടത്തുന്നതായും ഭാരവാഹികള് പറഞ്ഞു. ചെയര്മാന് ബി.ആര്. അജിത്ത്, ഡയറക്ടര് സി.ജി. രാജഗോപാല്, സെക്രട്ടറി പി.എസ്. രാധാകൃഷ്ണന്, ട്രഷറര് കെ.എന്. അനില്കുമാര് എന്നിവര് പത്രസമ്മേളനത്തില് പങ്കെടുത്തു.
