തൊടുപുഴ പഴയ ടൗണ് പള്ളിയിലാണ് മൂന്ന് ദിവസത്തെ കണ്വന്ഷന് സംഘടിപ്പിച്ചിരിക്കുന്നത്
തൊടുപുഴ: അസംഘടിതരായ അന്യസംസ്ഥാനക്കാരെ മതപരിവര്ത്തനത്തിന് വിധേയമാക്കാന് കോതമംഗലം രൂപത നടപടി തുടങ്ങി. മതപരിവര്ത്തനത്തിന്റെ ആദ്യപടിയെന്ന നിലയില് ഹിന്ദിയില് ബൈബിള് കണ്വെന്ഷന് സംഘടിപ്പിച്ചിരിക്കുകയാണ്. ഡിസംബര് 26 മുതല് 28 വരെയാണ് തൊടുപുഴ പഴയ ടൗണ് പള്ളിയില് വച്ച് ഹിന്ദി ബൈബില് കണ്വെന്ഷന് നടത്തുന്നത്. കോതമംഗലം രൂപതയുടെ ആശീര്വാദത്തോടെയാണ് തൊടുപുഴയില് ഇത്തരമൊരു ചടങ്ങ് സംഘടിപ്പിക്കുന്നത്. രൂപതയുടെ കീഴിലുള്ള ക്രൈസ്തവരുടെ സ്ഥാപനങ്ങളില് ജോലി നോക്കുന്ന അന്യസംസ്ഥാന തൊഴിലാളികളെ കണ്വന്ഷനിലെത്തിക്കണമെന്നാണ് സഭാ നേതൃത്വം നിര്ദ്ദേശം നല്കിയിരിക്കുന്നത്. ഇതിനായി ക്രൈസ്തവരുടെ കടകളില് ബിഷപ്പ് ഹൗസിന്റെ സീലോടുകൂടിയ കത്തും അന്യസംസ്ഥാനക്കാരായ തൊഴിലാളികള് മിക്കവരും ഹിന്ദുക്കളും മുസ്ലിംങ്ങളുമാണ്. ഇവരില് ഒരു വിഭാഗം ആരാധനാലയങ്ങളില് പോകുന്നവരാണ്. ഇവരുടെ ദാരിദ്ര്യാവസ്ഥ ചൂഷണം ചെയ്യാനാണ് സഭാ നേതൃത്വം തയ്യാറെടുക്കുന്നത്. ശാന്തമായ സാമുദായിക അന്തരീക്ഷം തകര്ക്കുന്ന നീക്കമാണ് സഭാ നേതൃത്വത്തിന്റേ ത് എന്ന ആക്ഷേപം ശക്തമാണ്. സഭാ വിശ്വാസികളുടെ സ്ഥാനപങ്ങളിലെ അന്യസംസ്ഥാനക്കാരായ ജോലിക്കാരെ നിര്ബന്ധമായും കണ്വന്ഷനില് പങ്കെടുപ്പിക്കണമന്നെ് ഭീഷണിയും വ്യാപാരികള്ക്ക് നല്കിയ കത്തിലുണ്ട്.
