കൊച്ചി: ബിജെപിയും ക്രൈസ്തവ സഭയും തമ്മില്‍ ഹൃദയം തുറന്ന ബന്ധം ഈ കാലഘട്ടത്തിന്റെ ആവശ്യമാണെന്നും അസഹിഷ്ണുതയുടെ പേരില്‍ ദുഷ്പ്രചരണം നടത്തി സമൂഹത്തില്‍ ഭിന്നിപ്പുണ്ടാക്കി മുതലെടുപ്പ് നടത്തുന്നവരെ സൂക്ഷിക്കണമെന്നും ബിജെപി സംസ്ഥാന ജന.സെക്രട്ടറി എ.എന്‍. രാധാകൃഷ്ണന്‍ ബിജെപി ന്യൂനപക്ഷ മോര്‍ച്ച സംസ്ഥാന കമ്മറ്റിയുടെ നേതൃത്വത്തില്‍ നടത്തിയ ക്രിസ്തുമസ് സംഗമം ഉദ്ഘാടനം ചെയ്യുകയായിരുന്നു അദ്ദേഹം. ക്രൈസ്തവസഭ വിദ്യാഭ്യാസ മേഖലയിലും ആതുര സേവന രംഗത്തും വഹിച്ച പങ്ക് സ്തുത്യര്‍ഹമാണ് മോദി സര്‍ക്കാരിന്റെ നേതൃത്വത്തില്‍ ഭാവാത്മക മതേതരത്വമാണ് നടപ്പിലാക്കിവരുന്നതെന്ന് മുഖ്യപ്രഭാഷണം നടത്തിയ ദേശീയ നിര്‍വ്വാഹക സമിതിയംഗം ശോഭ സൂരേന്ദ്രന്‍ പറഞ്ഞു. റവ.ഫാ.ഡോ.ജോസ് പുതിയേടത്ത് ക്രിസ്തുമസ് സന്ദേശം നല്‍കി ന്യൂനപക്ഷ മോര്‍ച്ച സംസ്ഥാന പ്രസിഡന്റ് അഡ്വ.കെ.പി.സാബു അദ്ധ്യക്ഷത വഹിച്ച യോഗത്തില്‍ ബിജെപി ജില്ലാ പ്രസിഡന്റ് അഡ്വ.പി.ജെ.തോമസ്, ബിജെപി സംസ്ഥാന വൈസ് പ്രസിഡന്റ് ശ്യാമള എസ്.പ്രഭു, റവ.ഫാ.നിക്‌സണ്‍ കാട്ടാശ്ശേരില്‍, റവ.ഫാ.റോയ് പോള്‍ വെട്ടിക്കാട്ടില്‍, റവ.ഫാ.ജോര്‍ജ് വയലിപ്പറമ്പില്‍, റവ.ഫാ.വര്‍ഗീസ് സോജന്‍ തോപ്പില്‍, സോളമന്‍ ഡേവിസ് അമ്പാട്ട്, ജോസഫ് പൊറ്റക്കുഴി തുടങ്ങിയവര്‍ സംസാരിച്ചു. ന്യൂനപക്ഷ മോര്‍ച്ച സംസ്ഥാന ജന.സെക്രട്ടറി ജിജി ജോസഫ് സ്വാഗതം പറഞ്ഞു. ജോര്‍ജ്‌കോര നന്ദി പ്രകാശിപ്പിച്ചു.
ബിജെപിയും ക്രൈസ്തവ സഭയും തമ്മില്‍ഹൃദയം തുറന്ന ബന്ധം കാലഘട്ടത്തിന്റെ ആവശ്യം: എ.എന്‍. രാധാകൃഷ്ണന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.