വിഭാഗീയതയും മൂഢമായ കടുംപിടുത്തവും അതിന്റെ ഭീകരസന്തതിയായ മതഭ്രാന്തും ഈ സുന്ദര ഭൂമിയെ ദീര്ഘകാലമായി കൈയടക്കിയിരിക്കുകയാണ്. അവ ഭൂമിയെ അക്രമംകൊണ്ട് നിറച്ചിരിക്കുന്നു. മനുഷ്യരക്തത്തില് പലവുരു കുതിര്ത്തിരിക്കുന്നു. സംസ്കാരത്തെ സംഹരിച്ചിരിക്കുന്നു. ജനതകളെ മുഴുവനോടെ നൈരാശ്യത്തിലേക്ക് തള്ളിവിടുകയും ചെയ്തിരിക്കുന്നു.
ഈ കൊടുംപിശാചുക്കള് ഇല്ലായിരുന്നുവെങ്കില് മനുഷ്യസമുദായം ഇതിലും വളരെയേറെ പുരോഗമിക്കുമായിരുന്നു. എന്നാല് അവരുടെ കാലം കഴിഞ്ഞിരിക്കുന്നു. ഈ സമ്മേളനത്തിന്റെ ബഹുമാനാര്ത്ഥം ഇന്ന് പുലര്കാലത്ത് മുഴങ്ങി മണി എല്ലാ മതഭ്രാന്തിന്റെയും വാളുകൊണ്ടോ പേനകൊണ്ടോ ഉള്ള എല്ലാ പീഡനങ്ങളുടെയും, ഒരേ ലക്ഷ്യത്തിലേക്ക് പ്രയാണം ചെയ്യുന്ന മനുഷ്യരുടെ ഇടയിലെ എല്ലാ ദൗര്ബല്യങ്ങളുടെയും മരണമണിയായിരിക്കട്ടെയെന്ന് ഞാന് അകമഴിഞ്ഞ ആശിക്കുന്നു.
