വി.എം പ്രവീണ്
കട്ടപ്പന: നഗരത്തിലെ ഹോട്ടലുകളില് ചായക്ക് എട്ട് രൂപ മുതല് പതിനഞ്ച് രൂപവരെയാണ് ചായയുടെ വില. പല കടകളിലും പല വിലയാണ്. ചെറു പലഹാരത്തിനും ഇതേ വിലയാണ്. കട്ടപ്പനയിലെ ബജിക്കടയിലേക്ക് പോന്നോളൂ വെറും 11 രൂപയക്ക് ചായയും പലഹാരവും കഴിക്കാം…. സാധാരണക്കാര്ക്ക് ആശ്വാസമാണ് ഈ ബജിക്കട. ഉച്ചകഴിഞ്ഞ് 2 മണിയോടെ സജീവമാകുന്ന ബജിക്കടകളില് ഉഴുന്നുവട, പരിപ്പുവട, ഉള്ളിവട, നെയ്യപ്പം, ഏത്തക്കബോളി, മുട്ട ബജി, മുളകുബജി, എന്നിവക്കുപുറമേ ചായയും കാപ്പിയും റെഡി. 7ഓളം ബജിക്കടകളാണ് കട്ടപ്പന നഗരത്തിന്റെ വിവിധ ഭാഗങ്ങളില് പ്രവര്ത്തിക്കുന്നത്.എല്ലാകടകളിലും നല്ല തിരക്കുമാണ് അനുഭവപ്പെടുന്നത്.ഏറ്റവുമധികം പാഴ്സലുകളാണ് പോകുന്നതെന്നും ഉടമകള് പറയുന്നു. കട്ടപ്പനയില് ഹോട്ടലുകളില് പല വിലയാണ് ഈടാക്കുന്നത്. വാടകയും സാധനങ്ങളുടെ വിലയും ക്രമാതീതമായി കൂടുന്നതിനാലാണ് വിലകൂട്ടി വില്ക്കാന് തങ്ങള് നിര്ബന്ധിതരാകുന്നതെന്ന് ഹോട്ടല് ഉടമകള് പറയുന്നു. നിസ്സാരവിലയ്ക്ക് ചായയും പലഹാവും വില്ക്കുന്നതിനാല് കൂടുതല് ആളുകള് ബജിക്കടയിലെത്തുന്നു. കൂടുതല് കച്ചവടം നടക്കുകയും ചെയ്യും. ഇതിനാലാണ് ബജിക്കടകള് ഹിറ്റാകാന് കാരണം. നിസ്സാരവിലയ്ക്ക് ആഹാരം നല്കുന്ന ബജിക്കടകള് പൂട്ടിക്കാന് ഒരു വിഭാഗം ഹോട്ടലുടമകള് രംഗത്തിറങ്ങിയിട്ടുണ്ട്.നഗരസഭയിലും സമ്മര്ദ്ദം ചെലുത്തുന്നതായാണ് ബജിക്കടക്കാര് ആരോപിക്കുന്നത്.
