കണ്ണൂര്: കണ്ണൂരില് ഫയര്ഫോഴ്സ് ഓഫിസും ക്വാര്ട്ടേഴ്സും പുതുക്കി പണിയാന് തുടങ്ങി. ആറുമാസം കൊണ്ട് കെട്ടിടം പൂര്ത്തിയാകും. നാലു ക്വാര്ട്ടേഴ്സുകളും ഒരു വിശാലമായ ഓഫിസ് കെട്ടിടവുമാണ് കണ്ണൂര് ഫയര്ഫോഴ്സ് ഓഫിസ് കോമ്പൗണ്ടില് നിര്മിക്കുന്നത്. ഇതില് രണ്ടു ക്വാര്ട്ടേഴ്സുകളുടെ അടിത്തറയും നാലുഭാഗങ്ങളിലുള്ള ബീമുകളും പൂര്ത്തിയായി. ഈ കെട്ടിടങ്ങള് നാലു മാസത്തിനകം പൂര്ത്തിയാകും. 60 സ്ക്വയര് മീറ്റര് വിസ്തൃതിയിലുള്ള ഒരു കെട്ടിടത്തില് ആറ് കുടുംബങ്ങള്ക്ക് താമസിക്കാം. 80 സ്ക്വയര് മീറ്റര് വിസ്തൃതിയിലുള്ള രണ്ടാമത്തെ കെട്ടിടത്തില് 18 കുടുംബങ്ങള്ക്ക് താമസിക്കാനാകും. ബാക്കിയുള്ള രണ്ടു ക്വാര്ട്ടേഴ്സുകളുടെയും പ്രധാന ഓഫിസ് കെട്ടിടത്തിന്റെയും നിര്മാണം ഒരു മാസത്തിനകം ആരംഭിച്ച് ആറു മാസത്തിനകം നിര്മാണം പൂര്ത്തിയാക്കാനാണ് ധാരണ. കോഴിക്കോട് മടപ്പള്ളിയിലെ ഊരാളുങ്കല് കോണ്ട്രാകേ്ടഴ്സ് സൊസൈറ്റിയാണ് നിര്മാണം ഏറ്റെടുത്തിരിക്കുന്നത്. നാലു ക്വാര്ട്ടേഴ്സുകളുടെയും മെയിന് ഓഫിസ് കെട്ടിടത്തിന്റെയും നിര്മാണം ഒരു വര്ഷത്തിനകം പൂര്ത്തിയാക്കണമെന്നതാണ് സര്ക്കാര് ആവശ്യപ്പെട്ടിട്ടുള്ളത്. ഒമ്പതുകോടി രൂപയാണ് കരാര്തുക. ഓഫീസ് ഉള്പ്പെടുന്ന പ്രധാന കെട്ടിടം മൂന്നു നിലയായിരിക്കും. ഓഫീസ് കെട്ടിടത്തിന്റെ ആദ്യത്തെനില മുഴുവന് ഫയര് എഞ്ചിന്, ഫയര്ഫോഴ്സിന്റെ മറ്റു ഔദ്യോഗിക വാഹനങ്ങള് എന്നിവ പാര്ക്ക് ചെയ്യാനായി ഉപയോഗിക്കും.
കണ്ണൂരില് ഫയര് ഫോഴ്സിന് പുതിയ കെട്ടിടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.