മട്ടന്നൂര്: രാഷ്ട്രത്തെത്തന്നെ ഒരു കുടുംബമായിക്കാണുന്ന സംസ്കാരമാണ് നമുക്കുള്ളതെന്നും അതുകൊണ്ടാണ് ഭാരതീയ ജീവിതരീതിയെ ലോകം അല്ഭുതത്തോടെ വീക്ഷിക്കുന്നതെന്നും ബിഎംഎസ് സംസ്ഥാന ഡെപ്യൂട്ടി ജനറല് സെക്രട്ടറി എം.പി.രാജീവന് അഭിപ്രായപ്പെട്ടു. ബിഎംഎസ് അറുപതാം വാര്ഷികാചരണത്തിന്റെ ഭാഗമായി മോട്ടോര് എഞ്ചിനിയറിങ്ങ് മസ്ദൂര് സംഘ് മട്ടന്നൂര് മേഖലാ കുടുംബസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഭാരതമാണോ ചൈനയാണോ മുന്പന്തിയിലെത്താന് പോകുന്നത് എന്നാണ് ലോകം ഇപ്പോള് ചിന്തിക്കുന്നത്. ചൈന കമ്പോളത്തില് വളരുമ്പോള് ജീവിത ദര്ശനത്തില് ഭാരതമാണ് വികസിച്ചുകൊണ്ടിരിക്കുന്നത്. ഉള്ളവനും ഇല്ലാത്തവനും തമ്മിലുള്ള സംഘര്ഷമല്ല ബിഎംഎസ് ആഗ്രഹിക്കുന്നത്. മറിച്ച് ഉള്ളവനും ഇല്ലാത്തവനും തമ്മിലുള്ള സന്തുലിതാവസ്ഥയാണ്. രാജ്യത്തെ മുഴുവന് തൊഴിലാളികളെയും ഒരു കുടിക്കീഴില് കൊണ്ടുവരാനാണ് ബിഎംഎസ് ആഗ്രഹിക്കുന്നതെന്നും അദ്ദേഹം പറഞ്ഞു. മോട്ടോര് എഞ്ചിനിയറിങ്ങ് മസ്ദൂര് സംഘ് ജില്ലാ ജോയന്റ് സെക്രട്ടറി വി.വി.മനോഹരന് പ്രവര്ത്തകരില് നിന്നും സമാഹരിച്ച സമര്പ്പണ നിധി എം.പി.രാജീവന് കൈമാറി. മേഖലാ ജോയന്റ് സെക്രട്ടറി രാജീവന് കളരിക്കല് സ്വാഗതവും ഉണ്ണികൃഷ്ണന് മാലൂര് നന്ദിയും പറഞ്ഞു.
ലോകരാജ്യങ്ങള്ക്കിടയില് ഭാരതം ഇന്ന് വികസനക്കുതിപ്പില്: എം.പി.രാജീവന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.