കൊച്ചി: എറണാകുളം കെഎസ്ആടിസി ബസ്സ്റ്റാന്റിനോടുള്ള അധികൃതരുടെ അനാസ്ഥയ്ക്കെതിരെ സംസ്ഥാന മനുഷ്യാവകാശ കമ്മീഷന് അദ്ധ്യക്ഷന് ജസ്റ്റിസ് ജെ.ബി. കോശി കേസെടുത്തു. കെഎസ്ആര്ടിസി മാനേജിംഗ് ഡയറക്ടറും ഗതാഗതവകുപ്പ് പ്രിന്സിപ്പല് സെക്രട്ടറിയും ജനുവരി 30 നകം വിശദീകരണം നല്കണം. കേസ് ഫെബ്രുവരി 8ന് കാക്കനാട് കളക്ടറേറ്റ് കോണ്ഫറന്സ് ഹാളില് നടക്കുന്ന സിറ്റിംഗില് പരിഗണിക്കും. കൊച്ചി നഗരസഭാ കൗണ്സിലറും മനുഷ്യാവകാശ പ്രവര്ത്തകനുമായ തമ്പി സുബ്രഹ്മണ്യനാണ് പരാതി നല്കിയത്.
ബസ്റ്റാന്റിലെ സ്ത്രീകളുടെ കാത്തിരിപ്പ് മുറിയിലെ കസേരകളെല്ലാം തകര്ന്ന നിലയിലും സ്റ്റാന്റിന്റെ പലഭാഗത്തും വെളിച്ചമില്ലാത്ത അവസ്ഥയിലുമാണ്. കെഎസ്ആര്ടിസിയുടെ മേഖലാ ഓഫീസും പ്രവര്ത്തിക്കുന്നത് ഇവിടെതന്നെയാണ്.
മെട്രോ നഗരത്തിന് തന്നെ നാണക്കേടായിരിക്കുകയാണ് തകര്ന്ന ബസ്റ്റാന്റെന്ന് പരാതിയില് പറയുന്നു. ഓഫീസ് മുറിയിലും വേണ്ടത്ര സൗകര്യങ്ങളില്ല. രാത്രിയില് ഇവിടെ സാമൂഹ്യവിരുദ്ധരുടെ താവളമാണെന്നും പരാതിയില് പറയുന്നു.
