കേരളത്തിലെ ക്രിസ്ത്യന് പള്ളികളില് അന്യസംസ്ഥാന തൊഴിലാളികള്ക്കായി ഹിന്ദിയിലും ബംഗാളിയിലും കൂര്ബാനകളും പ്രാര്ത്ഥനകളും സൗജന്യ വൈദ്യസഹായവും ഏര്പ്പെടുത്തിയതായി പത്രവാര്ത്ത കണ്ടു. ഉപജീവനാര്ത്ഥവും അല്ലാതെയും ഇന്ത്യയുടെ വിവിധഭാഗങ്ങളില് സഞ്ചരിച്ചിട്ടുള്ള ഒരാളാണ് ലേഖകന്. മഹിഷാസുരന്റെ രാജ്യമായ മഹിസുരു എന്ന മൈസൂര് മുതല് ബ്രഹ്മലോകം സ്ഥിതിചെയ്യുന്ന കിഴക്കേ ഇന്ത്യവരെയുള്ള യാത്രയ്ക്കിടയില് കണ്ടുമടുത്ത മനംപിരട്ടുന്ന സ്ഥിരം കാഴ്ചയാണ് മതപരിവര്ത്തനത്തിനായി അവിടങ്ങളില് അലഞ്ഞുനടക്കുന്ന മലയാളികളായ ‘സഹോദരീ-സഹോദരന്മാരും’ ‘അച്ചന്-അമ്മ’മാരും. ഒരിക്കല്, മതംമാറ്റാന് ചെന്നതാണെന്നു തെറ്റിദ്ധരിച്ച് ഒരു തെലുങ്കന് ”നീയൊക്കെ കേരളത്തീന്ന് വണ്ടികയറുന്നത് ഈയൊരൊറ്റകാര്യത്തിനായിട്ടാണോടാ…..?” എന്നാക്രോശിച്ച് ഈ ലേഖകന്റെ കഴുത്തിനുപിടിച്ചത് ഇന്നും കയ്ക്കുന്ന ദുരനുഭവമാണ്. അയാളുടെ ജാതിക്കാരായ മാഡിഗസമുദായത്തെ എല്ലും മുള്ളും പോലും ബാക്കിവയ്ക്കാതെ നമ്മുടെ അച്ചായന്മാര് സ്വര്ഗരാജ്യത്തേക്ക് കയറ്റിയയച്ചതാണത്രേ തെലുങ്കന്റെ രോഷത്തിന് കാരണം.
ഇതൊക്കെ ശരിയാണോ? പണ്ട് പത്താംക്ലാസും ടൈപ്പ്റൈറ്റിങ്ങും പഠിച്ച് ഉത്തരേന്ത്യയിലേക്ക് വണ്ടികയറിയ കേരളീയരായ ക്രൈസ്തവ യുവതീയുവാക്കളെ ഹിന്ദുക്കളാക്കാന് അവര്ക്ക് ജോലികൊടുത്ത ‘ഗോസായി’മാര് ശ്രമിച്ചിട്ടുണ്ടോ? മറിച്ച്, പണികൊടുത്ത ഉത്തരേന്ത്യന് ഹിന്ദുക്കള്ക്കുതന്നെ ‘പണി’കൊടുത്ത് ചെന്നിടത്തെല്ലാം ‘ഫരീദാബാദ് രൂപത’യും ‘അല്ഫോന്സാപള്ളി’കളും സ്ഥാപിക്കുകയല്ലേ മലയാളികളായ ചില ക്രൈസ്തവര് ചെയ്തത്. ഒന്നുകില് കമ്മ്യൂണിസ്റ്റ് ഭ്രാന്തന്; അല്ലെങ്കില് മതപരിവര്ത്തന ഭ്രാന്തന്-തൊട്ടയല്പക്കത്തെ മംഗലാപുരത്തുപോലും ഇന്ന് മലയാളിയെക്കുറിച്ചുള്ള വികലമായ ധാരണ ഇതാണ്. നാട്ടുകാര് നാട്ടുകാര്ക്കു ചെയ്യുന്ന ഉപകാരമേ…!
ഹിന്ദുഐക്യവേദിയോടും ഈഴവ-ധീവര-പുലയാദി ഹിന്ദുസമുദായങ്ങളോടും പറയാനുള്ളത് ഇതാണ്: നമുക്ക് വംശനാശം വരുത്താനും നമ്മള് ജന്മംകൊടുക്കുന്ന കുഞ്ഞുങ്ങള് ഒരുകൂരയ്ക്കുള്ളില് രണ്ട് തന്തയുടെ മക്കളെന്ന മട്ടില് ഹിന്ദുവും ക്രിസ്ത്യാനിയുമായി വളരാതിരിക്കാനും ഒറ്റവഴിയല്ലേയുള്ളൂ. എതിരാളികള് നമ്മെ എങ്ങനെ കീഴടക്കാന് ശ്രമിക്കുന്നുവോ അതേ വഴി തിരിച്ച് നമ്മളും സ്വീകരിച്ചാലോ. അതായത് അവര് ചെയ്യുന്നതുപോലെ, ലഘുലേഖകളും ഹൈന്ദവസുവിശേഷവുമായി അവരുടെ വീടുകളില് കയറിയിറങ്ങി ശല്യംചെയ്യുക; ദൈവവചന പ്രഘോഷണങ്ങളും അത്ഭുത രോഗശാന്തി ശുശ്രൂഷകളും നടത്തുക; കാണുന്ന കവലകളിലെല്ലാം മൈക്ക് വച്ചുകെട്ടി
ഹിന്ദുസംസ്കാരത്തിന്റെ മഹത്വം ഉച്ചൈസ്ഥരം വിളംബരം ചെയ്യുക-അങ്ങനെ പണിക്കുപണി തിരിച്ചുകിട്ടിക്കഴിയുമ്പോള് ഹിന്ദുക്കളെ ശല്യംചെയ്യുന്ന വൃത്തികെട്ട പണി അവര് നിര്ത്തുകയില്ലേ? ശഠനോട് ശാഠ്യമെന്നും കണ്ടന്തടിക്ക് മുണ്ടന്തടിയെന്നുമൊക്കെയുള്ള പഴഞ്ചൊല്ലുകള് നമ്മുടെ കാരണവന്മാര് ഉണ്ടാക്കിവെച്ചിട്ടുള്ളത് ചുമ്മാതല്ലെന്നോര്ക്കുക.
