കോട്ടയം: മെഡിക്കല് കോളേജിന് സമീപം പഞ്ചായത്ത് വക സ്ഥലത്ത് അനധികൃതമായി പ്രവര്ത്തിക്കുന്ന പെട്ടിക്കട പൊളിച്ചു നീക്കുന്നത് സംബന്ധിച്ച് സംഘര്ഷം. സംഭവത്തില് പരിക്കേറ്റ ആര്പ്പുക്കര ഗ്രാമ പഞ്ചായത്ത് പ്രസിഡന്റ് ആനന്ദ് പഞ്ഞിക്കാരന് അടക്കം ഒമ്പത് പേരെ മെഡിക്കല് കോളജ് ആസ്പത്രിയില് പ്രവേശിപ്പിച്ചു. മെഡിക്കല് കോളജ് ബസ് സ്്റ്റാന്ഡിനും ടാക്സി സ്റ്റാന്ഡിനും പരിസരത്ത് പ്രവര്ത്തിക്കുന്ന പെട്ടിക്കടകള് കഴിഞ്ഞ വര്ഷം ആര്പ്പുക്കര പഞ്ചായത്ത് അധികൃതര് പൊളിച്ചുനീക്കിയിരുന്നു.എന്നാല് ഹൈക്കോടതിയില് നിന്നും സ്റ്റേ ഉത്തരവ് സാമ്പദിച്ചിരുന്ന കടകള് പൊളിച്ചു നീക്കിയിരുന്നില്ല. പൊളിച്ചുനീക്കപ്പെട്ട കടയുടെ ഉടമയായ ഇല്ലിക്കല് ചിറ്റടിയില് അബൂബക്കര് പിന്നിട് ഹൈക്കോടതിയില് നിന്നും അനൂകൂല വിധി നേടി് അടുത്തിടെ പഴയ സ്ഥലത്ത് ശീതളപാനീയ കട ആരംഭിച്ചു. ആനന്ദ് പഞ്ഞിക്കാരനും പഞ്ചായത്ത് സെക്രട്ടറിയും ഇതിനെ ചോദ്യം ചെയ്തത് സംഘര്ഷത്തില് കലാശിച്ചു. ഇന്നലെ രാവിലെയാണ് സംഭവങ്ങള്ക്ക് തുടക്കം. കട നീക്കം ചെയ്യണമെന്നാവശ്യപ്പെട്ട് പഞ്ചായത്ത് പ്രസിഡന്റ് നേരിട്ടെത്തിയപ്പോള് നിലവിലുള്ള സ്ഥിതി മുന്നാം ആഴ്്ചത്തേക്ക് തുടരാനുള്ള ഹൈക്കോടതി ഉത്തരവിന്റെ പകര്പ്പ് കടയുടമ അബുബക്കര് പ്രസിഡന്റിനെ കാണിച്ചു. എന്നാല് ഇതു മാനിക്കാതെ പ്രസിഡന്റിന്റെ നേതൃത്വത്തില് കടപൊളിക്കാന് തുടങ്ങിയതാണ് സംഭവങ്ങള്ക്ക് കാരണമെന്ന് ദൃക്സാക്ഷികള് പറയുന്നു. സംഘര്ഷത്തില് അബുബക്കറിനും ഭാര്യ ഐഷ(61)യ്ക്കും പരിക്കേറ്റു. ഉച്ചയോടെ പ്രസിഡന്റിന്റെ നേതൃത്വത്തില് യുഡിഎഫ് മെമ്പര്മാര് അനധികൃത കട പൊളിച്ചുനീക്കണമെന്ന് ആവശ്യപ്പെട്ട് ബസ് സ്റ്റാന്ഡില് ഉപരോധം സൃഷ്ടിച്ചു.തുടര്ന്ന് വൈകുന്നേരം മൂന്നോടെ യൂത്ത്കോണ്ഗ്രസ് പ്രവര്ത്തകരെത്തി കടപൂര്ണ്ണമായും തല്ലിപൊളിച്ചു.തുടര്ന്നുണ്ടായ കല്ലേറിലും സോഡാക്കുപ്പിയേറിലും പ്രസിഡന്റ് ആനന്ദ് പഞ്ഞിക്കാരന്,പഞ്ചായത്ത് വൈസ് പ്രസിഡന്റ് ബീനാ രാജേന്ദ്രന് (45),അബുബക്കറിന്റെ മക്കളായ ആസാദ്(40),ഷാജി(35),എന്നിവര്ക്കുംആര്പ്പുക്കര സ്വദേശികളായ അനൂപ്(25)കൊച്ചുമോന്(35)തുടങ്ങിയവര്ക്കും പരിക്കറ്റ് മെഡിക്കല് കോളജില് പ്രവേശിപ്പിച്ചു.
പഞ്ചായത്ത് പ്രസിഡന്റിനേയും വൈസ് പ്രസിഡന്റിനേയും നേരെയുണ്ടായ ആക്രമണത്തില് പ്രതിഷേധിച്ച് ഇന്ന് ആര്പ്പുക്കര പഞ്ചായത്തില് രാവിലെ ആറു മുതല് വൈകിട്ട് ആറുവരെ ഹര്ത്താല് നടത്തുമെന്ന് യുഡിഎഫ് മണ്ഡലം നേതാക്കള് അറിയിച്ചു.
